បាត់ដំបង: ផ្ទះថ្មក្រោមឈើលើទំហំ៨ម៉ែត្រគុណ៦ម៉ែត្រ ត្រូវអគ្គីភ័យឆាបឆេះខ្ទេចទាំងស្រុង ដែលបង្កឡើងដោយទុស្សេខ្សែភ្លើងពីបន្ទប់ខាងលើឆេះរាលដល់ខាងក្រោម កាលពីវេលាម៉ោង២១និង៣០នាទីថ្ងៃទី២០ ខែមីនា ឆ្នាំ២០១៣ នៅចំណុចក្រុមទី១១ ភូមិសូភីមួយ សង្កាត់រតនៈ ក្រុង-ខេត្តបាត់ដំបង។
ការឆេះខូចខាតគិតជាទឹកប្រាក់ប្រមាណ២៥០០០ដុល្លារ ប៉ុន្តែគ្មានមនុស្សរងរបួស ឬស្លាប់ទេ។
ឡានទឹកពន្លត់អគ្គីភ័យខេត្តបាត់ដំបងចំនួនបីគ្រឿង បានមកសង្គ្រោះទាន់ពេលវេលាដែរ ប៉ុន្តែមិនអាចចូលទៅបាញ់ទឹកពន្លត់ភ្លើងបាន ព្រោះផ្លូវចូលតូចចង្អៀតពីខាងមុខមិនអាចចូលចុះ តែខាងក្នុងធំទូលាយ។
លោកសេ ឌី អនុប្រធានប៉ុស្តិ៍ប៉ូលិសសង្កាត់រតនៈ បានប្រាប់ឲ្យដឹងថា ផ្ទះដែលឆេះទាំងស្រុងនេះ ម្ចាស់ឈ្មោះទុយ សាមឿន អាយុ៤០ឆ្នាំ (ប្ដី) និងប្រពន្ធឈ្មោះកែវ សុភាព អាយុ៣២ឆ្នាំ មានកូនស្រីតូចអាយុ៨ឆ្នាំម្នាក់។ លោកបានបន្តថា ក្នុងហេតុការណ៍គ្រោះអគ្គីភ័យនេះកម្លាំងបានទទួលព័ត៌មាននៅវេលាម៉ោង២១និង៣០នាទីយប់ថ្ងៃទី២០ ខែមីនា ហើយកម្លាំងបានរាយការណ៍ស្នើសុំឡានទឹកពន្លត់អគ្គីភ័យនគរបាលខេត្តបាត់ដំបង ចំនួនបីគ្រឿង ចុះជួយសង្គ្រោះភ្លាមៗទាន់ពេលវេលា ប៉ុន្តែផ្លូវចូលនៅខាងមុខតូចចង្អៀត ឡានទឹកពន្លត់អគ្គីភ័យមិនអាចចូលទៅដល់ផ្ទះឆេះ ហើយទម្រាំតទុយយោទៅដល់ផ្ទះប្រមាណ៥០០ទៅ៦០០ម៉ែត្រ បណ្ដាលឲ្យភ្លើងឆាបឆេះពេញទំហឹងអស់តែម្ដង។ កម្លាំងបានចុះទៅជួយអន្តរាគមន៍មានទាំងប៉ូលិស ប៉េអឹម និងប្រជាការពារជាច្រើននាក់ ខ្លះដងទឹកពាងជួយពន្លត់ភ្លើង ដើម្បីជួយទប់ស្កាត់ភ្លើងមិនឲ្យរាលដាលទៅឆេះផ្ទះអ្នកជិតខាងបន្តទៀត។
ម្ចាស់ផ្ទះទាំង២នាក់ប្ដីប្រពន្ធ បាននិយាយប្រាប់ប៉ូលិសថា ដំបូង គឺធុំឆ្ងៀមក្នុងផ្ទះ ពួកគាត់បានដើររកមើលឃើញភ្លើងទុស្សេចេញពីខ្សែភ្លើង ចេញពីបន្ទប់ខាងលើពេញទំហឹង ហើយបាននាំគ្នារត់ចេញមកស្រែកឲ្យអ្នកជិតខាងជួយ ដោយភ្លេចកូនស្រីអាយុ៨ឆ្នាំម្នាក់ នៅដេកក្នុងបន្ទប់ខាងក្រោម ហើយបានអ្នកជិតខាងជួយយកចេញមកខាងក្រៅផ្ទះ។ ពេលដឹងឃើញភ្លើងឆាបឆេះពេញបន្ទប់ខាងលើទៅហើយ គាត់ភ័យស្លន់ស្លោរគ្មានបានយកអ្វីទាំងអស់ រត់ចេញមកតែខ្លួនប៉ុណ្ណោះ។
លោកសេ ឌី បាននិយាយថា ក្រោយហេតុភ្លើងឆេះនេះក្រុមការងារ និងលោកចៅសង្កាត់រតនៈ និងហៅបងប្អូនដែលធ្វើរបងផ្ទះនៅខាងមុខរួមតូច ដែលសូម្បីតែឡានតូចក៏ចូលមកមិនរួចផង ដូចផ្លូវរទេះប្រមាណជា៤ទៅ៥ផ្ទះ ប៉ុន្តែមកខាងក្នុងផ្លូវធំល្មមប្រមាណជាង៧ម៉ែត្រ ឡានទឹក ឬឡានអ្វីចេញចូលបាន។ លោកបានអំពាវនាវសុំឲ្យបងប្អូនត្រូវចេះយោគយល់បង្កលក្ខណៈរើរបងធ្វើផ្លូវចេញចូល សម្រាប់មានគ្រោះអាសន្នអគ្គីភ័យកើតឡើង អាចឡានទឹកតូចធំ ចូលជួយសង្គ្រោះបានទាន់ពេលវេលា៕
ឡានទឹកពន្លត់អគ្គីភ័យខេត្តបាត់ដំបងចំនួនបីគ្រឿង បានមកសង្គ្រោះទាន់ពេលវេលាដែរ ប៉ុន្តែមិនអាចចូលទៅបាញ់ទឹកពន្លត់ភ្លើងបាន ព្រោះផ្លូវចូលតូចចង្អៀតពីខាងមុខមិនអាចចូលចុះ តែខាងក្នុងធំទូលាយ។
លោកសេ ឌី អនុប្រធានប៉ុស្តិ៍ប៉ូលិសសង្កាត់រតនៈ បានប្រាប់ឲ្យដឹងថា ផ្ទះដែលឆេះទាំងស្រុងនេះ ម្ចាស់ឈ្មោះទុយ សាមឿន អាយុ៤០ឆ្នាំ (ប្ដី) និងប្រពន្ធឈ្មោះកែវ សុភាព អាយុ៣២ឆ្នាំ មានកូនស្រីតូចអាយុ៨ឆ្នាំម្នាក់។ លោកបានបន្តថា ក្នុងហេតុការណ៍គ្រោះអគ្គីភ័យនេះកម្លាំងបានទទួលព័ត៌មាននៅវេលាម៉ោង២១និង៣០នាទីយប់ថ្ងៃទី២០ ខែមីនា ហើយកម្លាំងបានរាយការណ៍ស្នើសុំឡានទឹកពន្លត់អគ្គីភ័យនគរបាលខេត្តបាត់ដំបង ចំនួនបីគ្រឿង ចុះជួយសង្គ្រោះភ្លាមៗទាន់ពេលវេលា ប៉ុន្តែផ្លូវចូលនៅខាងមុខតូចចង្អៀត ឡានទឹកពន្លត់អគ្គីភ័យមិនអាចចូលទៅដល់ផ្ទះឆេះ ហើយទម្រាំតទុយយោទៅដល់ផ្ទះប្រមាណ៥០០ទៅ៦០០ម៉ែត្រ បណ្ដាលឲ្យភ្លើងឆាបឆេះពេញទំហឹងអស់តែម្ដង។ កម្លាំងបានចុះទៅជួយអន្តរាគមន៍មានទាំងប៉ូលិស ប៉េអឹម និងប្រជាការពារជាច្រើននាក់ ខ្លះដងទឹកពាងជួយពន្លត់ភ្លើង ដើម្បីជួយទប់ស្កាត់ភ្លើងមិនឲ្យរាលដាលទៅឆេះផ្ទះអ្នកជិតខាងបន្តទៀត។
ម្ចាស់ផ្ទះទាំង២នាក់ប្ដីប្រពន្ធ បាននិយាយប្រាប់ប៉ូលិសថា ដំបូង គឺធុំឆ្ងៀមក្នុងផ្ទះ ពួកគាត់បានដើររកមើលឃើញភ្លើងទុស្សេចេញពីខ្សែភ្លើង ចេញពីបន្ទប់ខាងលើពេញទំហឹង ហើយបាននាំគ្នារត់ចេញមកស្រែកឲ្យអ្នកជិតខាងជួយ ដោយភ្លេចកូនស្រីអាយុ៨ឆ្នាំម្នាក់ នៅដេកក្នុងបន្ទប់ខាងក្រោម ហើយបានអ្នកជិតខាងជួយយកចេញមកខាងក្រៅផ្ទះ។ ពេលដឹងឃើញភ្លើងឆាបឆេះពេញបន្ទប់ខាងលើទៅហើយ គាត់ភ័យស្លន់ស្លោរគ្មានបានយកអ្វីទាំងអស់ រត់ចេញមកតែខ្លួនប៉ុណ្ណោះ។
លោកសេ ឌី បាននិយាយថា ក្រោយហេតុភ្លើងឆេះនេះក្រុមការងារ និងលោកចៅសង្កាត់រតនៈ និងហៅបងប្អូនដែលធ្វើរបងផ្ទះនៅខាងមុខរួមតូច ដែលសូម្បីតែឡានតូចក៏ចូលមកមិនរួចផង ដូចផ្លូវរទេះប្រមាណជា៤ទៅ៥ផ្ទះ ប៉ុន្តែមកខាងក្នុងផ្លូវធំល្មមប្រមាណជាង៧ម៉ែត្រ ឡានទឹក ឬឡានអ្វីចេញចូលបាន។ លោកបានអំពាវនាវសុំឲ្យបងប្អូនត្រូវចេះយោគយល់បង្កលក្ខណៈរើរបងធ្វើផ្លូវចេញចូល សម្រាប់មានគ្រោះអាសន្នអគ្គីភ័យកើតឡើង អាចឡានទឹកតូចធំ ចូលជួយសង្គ្រោះបានទាន់ពេលវេលា៕
ប្រភព CEN
Categories:
ព័តមានជាតិ