ភ្នំពេញ: ម៉ូតូពីរគ្រឿងជិះប្រដេញគ្នា ទៅបុកពីក្រោយរថយន្ត បោកនឹងកញ្ចក់រថយន្តបែកផ្ទាំងខាងក្រោយ រងរបួសធ្ងន់ ៣នាក់។ គ្រោះថ្នាក់នេះបានកើតឡើងនៅវេលាម៉ោង ១ និង ៣០ នាទី រំលងអធ្រាត្រឈានចូលថ្ងៃទី៤ ខែមីនា ឆ្នាំ២០១៣ នៅផ្លូវលេខ១៨១ កែងវិថីព្រះស៊ីសុវត្ថិ ក្នុងសង្កាត់ផ្សារកណ្តាលទី១ ខណ្ឌដូនពេញ។
សាក្សីឃើញហេតុការណ៍បានឲ្យដឹងថា មុនពេលកើតហេតុ ម៉ូតូហ្វីណូ ពណ៌ពងមាន់ ជិះគ្នា ៣នាក់ ស្រី ២នាក់ ប្រុសម្នាក់ បើកបរដោយនារីម្នាក់ បានជិះប្រដេញគ្នាជាមួយម៉ូតូស្កុបពី មិនចាំពណ៌ ជិះគ្នា ២នាក់ ស្រីម្នាក់ ប្រុសម្នាក់ តាមវិថីព្រះស៊ីសុវត្ថិពីត្បូងទៅជើង ក្នុងទិសដៅស្របគ្នា ខណៈមកដល់ចំណុចផ្លូវកែង ម៉ូតូហ្វីណូបើកបរដោយនារី បានជិះទៅបុកពីក្រោយរថយន្តអាល់តូស ពណ៌ស បែកកញ្ចក់ផ្ទាំងខាងក្រោយ រងរបួសធ្ងន់ទាំង ៣នាក់។ ចំណែកម៉ូតូស្កុបពីបានជិះទៅមុខបាត់។
ក្រោយពេលកើតហេតុ ជនរងគ្រោះទាំង ៣នាក់ ត្រូវបានបញ្ជូនទៅព្យាបាលនៅគ្លីនិកឯកជន។ ចំណែកម៉ូតូ និងរថយន្ត ត្រូវសមត្ថកិច្ចយកទៅរក្សាទុកនៅការិយាល័យនគរបាលចរាចរណ៍ផ្លូវគោក រង់ចាំធ្វើការដោះស្រាយ៕ S
.jpg)
Categories:
ព័តមានជាតិ