រដ្ឋ Florida អាមេរិក ទើបបានសម្លឹងឃើញអាចម៍ផ្កាយកំពុងឆាបឆេះលើលំហវេហារ នាពេលរាត្រី ហើយពលរដ្ឋម្នាក់ចៃដន្យថតជាប់រូបភាពទាំងនេះ ។ទីបញ្ជាការកងកម្លាំងល្បាតឆ្នេរសមុទ្រអាមេរិកកាលពីថ្ងៃទី១៨/២នេះ ទទួលបាននូវរបាយការណ៍ជាច្រើនរបស់ពលរដ្ឋដែលរស់នៅភាគខាងត្បូងរដ្ឋ Florida ស្តីពីករណីផ្ទុះអាចម៍ផ្កាយលើលំហអាកាស នៅវេលាម៉ោង ៧និង៣០នាទី យប់ ។ សម្ព័ន្ធសមាគមស្រាវជ្រាវអាចម៍ផ្កាយអាមេរិក ដែលមានស្នាក់នៅបុរីញូយ៉ក ក៏បានប្រាប់ថា ពួកគេទទួលបានទូរស័ព្ទហៅចូលចំនួន២៧លើក ក្នុងរង្វង់ម៉ោងក្រោយហេតុការណ៍កើតឡើង ។Amanda Mayer ពលរដ្ឋម្នាក់បានមើលឃើញ និងបានបញ្ជូនខ្សែវីដេអូពិវត្ថុកំពុងឆាបឆេះលើមេឃវេលាម៉ោង ៧និង៣០នាទី បានត្រឹមស្រែកថា "អូហ៍ពិតជាចម្លែកណាស់!" រួចខ្ញុំចាប់ផ្តើមថតយករូបភាព ហើយគ្រានោះគឺពេលដែលវាកំពុងឆាបឆេះ ។ ខ្ញុំប្រាកដថា វាជាករណីផ្ទុះអាចផ្កាយមួយ ព្រោះទើបបានឃើញពីករណីស្រដៀងគ្នានេះកើតឡើង នាងប្រាប់ NBC ៕
Categories:
ព័តមានអន្តរជាតិ