ពោធិ៍សាត់
៖ រថយន្ត២គ្រឿងបានបុកគ្នាកណ្ដាលរាត្រីលាន់សំឡេងដូចរន្ទះ
បណ្ដាលឲ្យអ្នកបើកបររថយន្តបង្កស្លាប់ភ្លាមៗ
ឯមនុស្សជិះរថយន្តធុនធំរងរបួសធ្ងន់៣នាក់ស្រាលម្នាក់
កាលពីវេលាម៉ោង១០និង៣០នាទីយប់នៅលើផ្លូវជាតិលេខ៥
ស្ថិតក្នុងភូមិក្រាំងធំ ឃុំអូសសណ្ដាន់ ស្រុកក្រគរ ខេត្តពោធិ៍សាត់។
បើតាម
សាក្សីជាអ្នកអង្គុយនៅលើដំបូលរថយន្តហ្វុយសូ ឲ្យដឹងថា
ខណៈពេលដែលរូបគេកំពុងជិះលើដំបូលរថយន្តធុនធំប្រភេទហ្វុយសូ
ពណ៌បៃតងដឹកសម្ភារៈពេញលើរថយន្ត ពាក់ស្លាកលេខ ភ្នំពេញ 3A-3286 ក្នុង
ទិសដៅពីកើតទៅលិច ហើយអ្នកជិះ និងតៃកុង
ក្នុងកាប៊ីនចំនួន៤នាក់កំពុង ធ្វើចរាចរមកដល់ចំណុចកើតហេតុខាងលើ
ក្នុងល្បឿនមធ្យម
ស្រាប់តែរូបគាត់បានឃើញរថយន្តសាំយ៉ុងពណ៌ស១២កៅអីមកបញ្ច្រាសទិស
គ្នាពីលិចមកកើតពាក់ស្លាកលេខភ្នំពេញ 2G-3315 បើកបរ
យ៉ាងលឿន
រួចក៏រេចង្កូតឆ្លងគំនូសទ្រូងផ្លូវមកឆ្វេងដៃបុករថយន្តដែលគាត់
កំពុងតែជិះ ពេញពីមុខមួយទំហឹង
បណ្ដាលឲ្យអ្នកបើកបររថយន្តបង្កនោះស្លាប់ភ្លាមៗ
ឯអ្នកបើករថយន្តហ្វុយសូ និងអ្នករួមដំណើរ៤នាក់
រងរបួសធ្ងន់៣នាក់ ស្រាលម្នាក់។
លោក
ម៉ាល សាវ៉ាន នគរបាលចរាចរស្រុកបានឲ្យដឹងថា អ្នកបើកបររថយន្តបង្ក
ដែលស្លាប់ក្នុងកាប៊ីនរថយន្តនោះឈ្មោះ ឌី គឹមយាង អាយុ១៨ឆ្នាំ
ភេទប្រុស រស់នៅភូមិសាលាឃុំ ឃុំពពេល ស្រុកបរិបូរ ខេត្តកំពង់ឆ្នាំង
ឯអ្នកបើកបររថយន្តធុនធំប្រភេទហ្វុយសូរងរបួសធ្ងន់ឈ្មោះ ស្រស់
អាយុ៤០ឆ្នាំ ភេទប្រុស
រស់នៅខេត្តតាកែវនិងអ្នកអង្គុយក្នុងកាប៊ីន៣នាក់ទៀតរងរបួសធ្ងន់
២នាក់និងស្រាលម្នាក់ផងដែរ។
លោកបន្តថាអ្នករងរបួសត្រូវបានបញ្ជូនទៅសង្គ្រោះនៅមន្ទីរពេទ្យ
ខេត្តបាត់ដំបងភ្លាមៗ
ឯអ្នកស្លាប់នគរបាលប្រើរយៈពេលជាង១ម៉ោងទើបទាញចេញពីកាប៊ីនបាន
រួចប្រគល់សពជូនក្រុមគ្រួសារ។
វត្ថុតាងទាំង២ខាងលើកម្លាំងនគរបាលចរាចរបានយកទៅរក្សាទុកនៅស្នងការបណ្ដោះអាសន្នរង់ចាំដោះស្រាយជាក្រោយ៕
កែសម្រួលដោយ៖ 2BiC-New
Categories:
ព័តមានជាតិ