ពោធិ៍សាត់
៖
មានភាពភ្ញាក់ផ្អើលមួយបានកើតឡើងនៅទីប្រជុំជនដោយម្នាក់ៗព្រលឹង
ចុងសក់ ខណៈពេលប្រជាពលរដ្ឋកំពុងលក់ដូរ
និងធ្វើចរាចរទៅមកពេលឮសំឡេងលាន់កក្រើកដីដូចគ្រាប់បែកផ្ទុះ
និងមានហុយផ្សែងខ្មៅឡើងលើ
កាលពីវេលាម៉ោង៨និង៣០នាទីព្រឹកថ្ងៃទី២៨ ខែកុម្ភៈ ឆ្នាំ២០១៣
នៅចំណុចជាងជួសជុលរថយន្តមួយកន្លែងយីហោជាងណាក់តោនរថយន្តក្នុងភូមិ
ផ្សារ ឃុំអន្លង់ត្នោត ស្រុកក្រគរ ខេត្តពោធិ៍សាត់
ពេលទៅដល់កន្លែងកើតហេតុទើបដឹងថាជាការផ្ទុះកំប៉ុងហ្គាស៍ថ្មស្អុយ
សោះ។
បើតាម
លោក ហ៊ុន ហៀងនាយប៉ុស្ដិ៍រដ្ឋបាលឃុំអន្លង់ត្នោត ឲ្យដឹងថា
នៅម៉ោងខាងលើរូបលោកក៏បានឮសំឡេងដូចផ្ទុះគ្រាប់បែក
ដូចប្រជាពលរដ្ឋដែរពេលនោះលោកក៏ទៅដល់ទីតាំងកើតហេតុភ្លាមៗ
រួមជាមួយមនុស្សម្នាជាច្រើនទើបម្ចាស់ជាងតោនរថយន្តនោះប្រាប់ថា
ពួកគេបាននាំគ្នាមួលខ្ចៅបង្ហូរថ្មស្អុយចេញពីបំពង់
ហើយពេលកំពុងបង្ហូរនោះប្រហែលជាបំពង់នេះចាស់ទ្រុឌទ្រោម
ក៏ផ្ទុះបាតធុងថ្មស្អុយនោះឮសំឡេងខ្លាំងបណ្ដាលឲ្យផ្សែងហុយពេញ
មេឃបង្កការភ្ញាក់ផ្អើលតែម្ដង។
ប៉ុន្តែសំណាងល្អអត់មានអ្នកណាម្នាក់រងគ្រោះថ្នាក់
ពីព្រោះពន្លត់ទាន់ពេល។
លោកនាយ
ប៉ុស្ដិ៍ទីនោះក៏បានធ្វើការសំណូមពរដល់ប្រជាពលរដ្ឋក៏ដូចជាក្រុម
អាជីវករទាំងអស់ត្រូវប្រុងប្រយ័ត្នលើករណីទាំងនោះផងព្រោះមួយរយៈ
ពេលនេះការផ្ទុះកំប៉ុងហ្គាស៍បានបំផ្លាញទ្រព្យសម្បត្តិ
និងបង្កគ្រោះថ្នាក់ច្រើនណាស់៕
Categories:
ព័តមានជាតិ