2BiC-News

អង់គ្លេសសង្ស័យថា Huawei ជាអ្នកបើកទ្វារឱ្យក្រុម Hacker ចិន

ប្រទេសអង់គ្លេសថ្មីៗនេះហាក់សង្ស័យថា ក្រុមហ៊ុន Huawei ជាអ្នកបើកដៃឱ្យក្រុម Hacker ចិន ចូលវាយប្រហារតាមប្រព័ន្ធសុវត្ថិភាពអ៊ីនធឺណិត។ នេះបើផ្អែកតាមគេហទំព័រ CNNMoney។

ក្នុងករណីខាងលើ ប្រភពបានស្រង់សម្ដីរបស់អ្នកបង្កើតច្បាប់អង់គ្លេសថា ប្រទេសអង់គ្លេសគួរតែបង្កើនការប្រុងប្រយ័ត្នឲ្យបានខ្លាំងក្លា លើប្រតិបត្តិការអាជីវកម្មរបស់ Huawei ក្នុងទឹកដីរបស់ខ្លួន ដើម្បីចៀសវាងនិងកាត់បន្ថយគ្រោះថ្នាក់ដែលអាចកើតមានឡើងនាពេល អនាគត។
ផ្អែកតាមការលើកឡើងនេះ សឱ្យឃើញថា អង់គ្លេសហាក់មានការសង្ស័យមកលើក្រុមហ៊ុន Huawei ដែលអាចជាប់ពាក់ព័ន្ធក្នុងការបើកដៃឲ្យបណ្តាក្រុម Hacker ចិន វាយប្រហារប្រព័ន្ធទិន្នន័យ ក៏ដូចជាប្រព័ន្ធសុវត្ថិភាពអ៊ីនធឺណិតនាពេលកន្លងមក។
កន្លងទៅ នេះ មានប្រទេសជាច្រើន ហើយក្នុងនោះក៏មានអាមេរិក និងអូស្ត្រាលីផងដែរ ដែលបានចោទថា ចិនជាអ្នកឈរពីក្រោយរឿងនេះ។ យ៉ាងណាមិញ ក្រុមហ៊ុនផ្គត់ផ្គង់សម្ភារ និងសេវាទូរគមនាគមន៍ដ៏ធំបំផុតរបស់ចិនមួយនេះ បានច្រានចោលទាំងស្រុង ហើយបានអះអាងថា ខ្លួនមិនបានជាប់ពាក់ព័ន្ធ និងមិនមែនជាអ្នកបើកទ្វារឱ្យក្រុម Hacker ចិនចូលវាយប្រហារនោះទេ។

កូនស្រី Michael Jackson ត្រូវបញ្ជូនទៅមន្ទីរពេទ្យតែមួយដែលឪពុកស្លាប់

នាង Paris Jackson ក្រោយពីត្រូវបានក្រុមគ្រូពេទ្យជួយសង្គ្រោះអស់ ៧២ម៉ោងរហូតឆ្លងផុតគ្រោះថ្នាក់រួចមក ពេលនេះនាងត្រូវបញ្ជូនទៅសម្រាកព្យាបាលបន្តនៅមន្ទីរពេទ្យដែលអតីត ស្តេចចម្រៀង Michael Jackson បានបាត់បង់ជីវិតកាលពីឆ្នាំ២០០៩។

បណ្តាញពត៌មាន TMZ បានរាយការណ៍ថា កូនស្រីអតីតស្តេចចម្រៀងប៉ុបដ៏ល្បីល្បាញអាមេរិកក្រោយពីបានធ្វើការអាសរសៃដៃ សម្លាប់ខ្លួនកាលពីព្រឹកថ្ងៃពុធកន្លងមក នោះត្រូវបានក្រុមការងារថតរូប TMZ ថតយករូបភាព ពេលផ្ទេរពីមន្ទីរពេទ្យមកមជ្ឈមណ្ឌលវិជ្ជសាស្ត្រ UCLA។ ភ្នាក់ងារថតរូប TMZ ព្យាយាមសាកសួរអាការចុងក្រោយ Paris Jackson ពីអង្គរក្សម្នាក់ ហើយអង្គរក្សរូបនោះនិយាយតិចៗថា Paris Jackson មើលទៅដូចជាលែងអីហើយ។

Micheal Jackson អតីតស្តេចចម្រៀងប៉ុបដ៏ល្បីល្បាញ ក៏ត្រូវបានបញ្ជូនមកព្យាបាលនៅមជ្ឈមណ្ឌល UCLA នេះដែរមុននឹងបាត់បង់ជីវិតកាលពីឆ្នាំ២០០៩នោះ ៕

យាយ ណាង ប្រឹងថតរឿងទាំងឈឺសន្សំលុយធ្វើបុណ្យខួប១០០ថ្ងៃឲ្យកូន

តារាកំប្លែងជើងចាស់លោកយាយ ណយ សំណាង ត្រូវខំប្រឹងថតរឿង និងកម្មវិធីទូរទស្សន៍ទាំងឈឺថ្កាត់ដើម្បីសន្សំលុយធ្វើបុណ្យ ខួប១០០ថ្ងៃឲ្យសពកូនប្រុស។

នៅក្នុងជំនួបថ្មីមួយ តារាកំប្លែងខាងលើបានឲ្យដឹងថា លោកយាយកំពុងជួបប្រទះបញ្ហាថវិកានៅក្នុងពិធីបុណ្យខួប១០០ថ្ងៃឲ្យ សពកូនប្រុសរបស់យាយ ដែលនឹងធ្វើនៅថ្ងៃទី១៣ ខែមិថុនា ខាងមុខនេះ។ ដូច្នេះហើយមានតែខំថតរឿងក្រែងបានថវិកាខ្លះទុកសងថ្លៃ ជំពាក់ក្រោយពិធីបុណ្យ។ តារាកំប្លែងរូបនេះបាននិយាយថា “ដើរមួយជំហានគិតមួយជំហានទៅ ចាំបុណ្យហើយចាំរកសងថ្លៃជំពាក់គេទៀត។ គ្រាន់តែថា ពេលនេះបានឯកឧត្ដម ស ខេង លោកជួយបាន២លានរៀលធ្វើបុណ្យដែរ”។
ឥឡូវ នេះ សុខភាពរបស់លោកយាយមិនអំណោយផលទេ ដោយមានជំងឺលើសឈាមផង ខ្វះជាតិស្ករផង ហើយបេះដូងកាន់តែខ្សោយទៅៗហើយដែរ។ លោកយាយបន្ថែមថា៖” ហូបតែបាយហ្នឹងមិនបានផង គ្មានកម្លាំងកំហែងអីទេ ហើយតស៊ូថតរឿងឲ្យគេ គ្រាន់បានលុយកាក់ខ្លះមកដោះស្រាយជីវភាព និងឲ្យចៅទៅរៀន ណាមួយសន្សំទុកបុណ្យឲ្យកូនខ្លះ”។
ទោះយ៉ាង ណា លោកយាយ មិនបានបញ្ជាក់ថា លោកយាយថតរឿងអ្វីនោះទេ។ ប៉ុន្តែលោកយាយបានបន្ថែមថា ៖” ផលិតកម្មគេយោគយល់ណាស់ឲ្យខ្ញុំខ្ចីលុយមុនដែរ ដើម្បីធ្វើបុណ្យ តែខ្លាចគ្មានកម្លាំងថតបញ្ចប់ឲ្យគេទេ ទើបមិនហ៊ានយក”។ លោកយាយបន្តថា អ្វីជាបារម្ភនោះ គឺខ្លាចជំពាក់គេក្រោយពិធីបុណ្យទើបប្រឹងប្រែងដូច្នេះទៅ ព្រោះលោកយាយមិនមានចំណូលមកពីណាផ្សេងទេ។

ស្ទើរពេញមួយជីវិតទៅហើយ ដែលលោកយាយ ណយ សំណាង បានចូលបម្រើសិល្បៈ ប៉ុន្តែលោកយាយគ្មានឱកាសទទួលបានជីវភាពរស់នៅធូរធារដូចគេឯងនោះទេ គ្រាន់តែបានទប់ទល់ប្រចាំថ្ងៃប៉ុណ្ណោះ សូម្បីផ្ទះសម្បែងក៏ត្រូវជួលគេដែរ។ ម្យ៉ាងទៀត ពេលនេះ ស្ថានភាពគ្រួសាររបស់យាយកាន់តែដុនដាបឡើង បន្ទាប់ពីកូនប្រុសជាអ្នករកចំណូលចម្បងក្នុងគ្រួសារ បានធ្វើមរណកាលនៅក្នុងគ្រោះថ្នាក់ចរាចរណ៍នៅខេត្តព្រះសីហនុកាលពីខែមីនាកន្លងទៅ។
រហូត មកដល់ពេលនេះ គ្រោះថ្នាក់ចរាចរណ៍រវាងរថយន្តរបស់តារាចម្រៀងល្បីឈ្មោះ ខេមរៈ សេរីមន្ត ជាមួយរថយន្តរបស់ក្រុមហ៊ុន SK កន្លងទៅបីខែមកហើយ។ ដោយឡែកសំណងចំពោះការបាត់បង់អាយុជីវិតកូនសម្រាប់អ្នករងគ្រោះ ក្នុងនោះមាន គ្រួសាររបស់តារាកំប្លែងនាយ កុយ និងយាយ ណយ សំណាង ដែលបានបាត់ជីវិតដូចគ្នាក្នុងគ្រោះថ្នាក់នោះ ក៏ដូចជាជនរងគ្រោះផ្សេងទៀត នៅមិនទាន់មានដំណោះស្រាយពីតុលាការខេត្តព្រះសីហនុ ឬក្រុមហ៊ុន SK នៅឡើយ៕

រថយន្តFuso បុកម៉ូតូមួយគ្រឿង នៅក្រុងបាត់ដំបង ស្លាប់ពីរនាក់

បាត់ដំបង៖ រថយន្ត Fuso បានបុកម៉ូតូ មួយគ្រឿង វេលាម៉ោងប្រមាណ ៧យប់ថ្ងៃទី២៦ ខែមីនា ឆ្នាំ២០១៣ នេះបានបណ្តាល ឲ្យមនុស្ស ចំនួន២នាក់ ស្លាប់ពេល បញ្ជូនទៅដល់មន្ទីរពេទ្យ ។

សេចក្តីរាយការណ៍ ពីកន្លែងកើតហេតុ បានឲ្យដឹងថា ក្រោយបុកម៉ូតូរួចហើយ អ្នកបើករថយន្ត បានព្យាយាមបើករត់ តែត្រូវបាន កម្លាំងនគរបាលចរាចរ ជើងគោកដេញ តាមពីក្រោយ រហូតឃាត់រថយន្តបាន និងអ្នកបើកបរផងដែរ។ ព័ត៌មានលំអិតដើមអម្ពិល នឹងធ្វើការផ្សាយបន្តទៀត៕

សមត្ថកិច្ច និងក្រុមចោរប្លន់ បាញ់តដៃគ្នា ជាច្រើនគ្រាប់, ឃាត់ខ្លួនពីរនាក់ បានភ្លាមៗ

ភ្នំពេញ៖ ស្នូរគ្រាប់កាំភ្លើង ជាច្រើនគ្រាប់ បានផ្ទុះឡើងជា បន្តបន្ទាប់ រវាងកម្លាំង នគរបាល រាជធានីភ្នំពេញ និងក្រុមចោរប្លន់ ដោយចាប់ផ្តើមចេញ ពីមុខវត្តសំរោងអណ្តែត ខណ្ឌសែនសុខ រហូតដល់ ភូមិក្រាំងអង្ក្រង សង្កាត់ក្រាំងធ្នង់ ខណ្ឌពោធិ៍សែនជ័យ ហើយសមត្ថកិច្ច បានឃាត់ខ្លួន ជនសង្ស័យចំនួន២នាក់ ខណៈជនសង្ស័យ ម្នាក់ទៀត ដែលបាញ់ តដៃជាមួយ សមត្ថកិច្ច បាននិងកំពុងពួន នៅក្នុងដីឡូត៌មួយ។

ហេតុការណ៍បាញ់តដៃគ្នា រវាងក្រុមចោរប្លន់ និងកម្លាំង នគរបាល ខណ្ឌសែនសុខរបស់ លោក ម៉ក់ ហុង និងកម្លាំងនគរបាល ខណ្ឌពោធិ៍សែនជ័យ របស់លោក ប៊ន សំអាត បានកើតឡើងនៅ វេលាម៉ោង ប្រមាណ ១០៖៣០នាទី យប់ថ្ងៃទី២៦ខែមីនា ឆ្នាំ២០១៣ នេះ ដែលប្រតិបត្តិការ ទម្ទេចក្រុមចោរប្លន់ខាងលើនេះ បានធ្វើឡើង ក្រោមការបញ្ជាផ្ទាល់ ពីសំណាក់លោក ជួន ណារិន្ទ ស្នងការរងនគរបាល និងជាប្រធានការិយាល័យ កណ្តាលយុត្តិធម៌ ។

សេចក្តីរាយការណ៍ ពីសមត្ថកិច្ច បានឲ្យដឹងថា មុនពេលកើតហេតុ ខណៈកម្លាំងនគរបាល ខណ្ឌសែនសុខ បានស្ទះដើម្បីពិនិត្យ អាវុធជាតិផ្ទុះ ស្រាប់តែ លេចមុខក្រុមចោរប្លន់ ទាំងបីនាក់ ជិះម៉ូតូស៊េរី ទំនើបមួយគ្រឿង ប៉ុន្តែនៅពេលសមត្ថកិច្ច ហៅឲ្យឈប់ ក្រុមចោរទាំងនោះ មិនបានឈប់ ហើយថែមទាំង បាញ់តដៃមក សមត្ថកិច្ចទៀតផង។ សមត្ថកិច្ចបានបន្តថា ក្រោយបាញ់ដៃតគ្នា ជាមួយសមត្ថកិច្ចរួចមក ធ្វើឲ្យសមត្ថកិច្ចដេញតាម ពីក្រោយ ដោយបាញ់ជាច្រើនគ្រាប់ រហូតដល់ សង្កាត់ក្រាំងធ្នង់ ខណ្ឌពោធិ៍សែនជ័យ ។

នៅទីនោះ កម្លាំងសមត្ថកិច្ច បានឃាត់ខ្លួន ក្រុមចោរប្លន់ចំនួន២នាក់ បានភ្លាមៗ ខណៈជនសង្ស័យ ម្នាក់ទៀត កំពុងពួននៅក្នុងដីឡូត៌ មួយកន្លែង ហើយកម្លាំងសមត្ថកិច្ច ជាច្រើននាក់ បាននិងកំពុងឡោមព័ន្ធពី ខាងក្រៅ គិតត្រឹមវេលាម៉ោង ១១៖១៥នាទីយប់ថ្ងៃដដែលនេះ ។ ជាមួយគ្នានេះ កម្លាំងសមត្ថកិច្ចបានដកហូតម៉ូតូចំនួន២គ្រឿងផងដែរ។ ជនសង្ស័យទាំងពីរនាក់ ត្រូវបានសមត្ថកិច្ច ប្រាប់ថា ទីមានឈ្មោះ ថន វណ្ណៈ និងទី២ឈ្មោះ សឿន សុជាតិ។

លោក ជួន ណារិន្ទ ដែលបានបញ្ជាផ្ទាល់ ក្នុងប្រតិបត្តិការ ចាប់ក្រុមចោរប្លន់ ខាងលើនេះ បានឲ្យដឹងថា ចំពោះប្រតិបត្តិការនេះ គឺ សមត្ថកិច្ច របស់លោកឃាត់ខ្លួន ជនសង្ស័យចំនួន២នាក់ ហើយកំពុងឡោមព័ទ្ធចាប់ជនសង្ស័យម្នាក់ទៀត។

លោក ជួន ណារិន្ទ បានបន្តថា ចំពោះការបាញ់ដៃតគ្នានេះ មិនបានបណ្តាលឲ្យមន្រ្តីនគរបាលណាម្នាក់ រងរបួសនោះទេ ។ ជាមួយគ្នានេះ លោក ជួន ណារិន្ទ បានបញ្ជាឲ្យ សមត្ថកិច្ចប្រាប់ អ្នកលក់ទឹកត្នោតជូ ដែលស្នាក់នៅ កន្លែងកើតហេតុចាកចេញ ដោយខ្លាចថា អាចមានគ្រោះថ្នាក់ នៅពេលសមត្ថកិច្ច និងក្រុមចោរបាញ់ តដៃគ្នាទៀតនោះ។

យ៉ាងណាក៏ដោយ រហូតមកដល់វេលាម៉ោង ១១៖២០នាទី យប់ថ្ងៃដដែលនេះ កម្លាំងសមត្ថកិច្ចទាំងអស់ បាននិងកំពុងធ្វើការឡោមព័ទ្ធ តាមចាប់ក្រុមចោរ ម្នាក់ទៀត ដែលកំពុងពួននៅក្នុងដីឡូត៌ ខាងលើនេះ។

គិតវេលាម៉ោង ១២៖១០នាទីយប់ថ្ងៃទី២៦ ខែមីនា ឆ្នាំ២០១៣ នេះ កម្លាំងសមត្ថកិច្ច បានចាប់ផ្តើមដុត ស្មៅនិងដើមឈើតូចនៅ នៅក្នុងដីឡូត៌នោះហើយ ដើម្បីតាមចាប់ ជនសង្ស័យម្នាក់ ដែលកំពុងពួន ៕

ជនសង្ស័យឈ្មោះ ថន វណ្ណៈ

ជនសង្ស័យឈ្មោះ សឿន សុជាតិ

អធិការនគរបាលខណ្ឌពោធិ៍សែនជ័យ លោក ប៊ន សំអាត កំពុងបញ្ជាកម្លាំងនៅកន្លែងកើតហេតុ

អធិការនគរបាលខណ្ឌសែនសុខ លោក ម៉ក់ ហុង (ឆ្វេង) កំពុងបញ្ជាកម្លាំងនៅកន្លែងកើតហេតុ

បង្ក្រាបក្រុម ចោរប្លន់ម៉ូតូស្កុបពី បានភ្លាមៗ នៅសង្កាត់ទួលសង្កែ ជនដៃដល់ម្នាក់ កំពុងសង្ងំពួនក្នុងបឹង

ភ្នំពេញៈ បន្ទាប់ពីមានករណី បាញ់ប្លន់ម៉ូតូស្កុបពីបានសម្រេច នៅក្នុងបុរី ណៃសុវណ្ណ ក្នុងសង្កាត់
ទួលសង្កែ ខណ្ឌឫស្សីកែវ នារសៀលថ្ងៃទី២៦ ខែមីនា ឆ្នាំ២០១៣នេះ កម្លាំងនគរបាលការិយា-
ល័យកណ្ដាលយុត្ដិធម៌ រាជធានីភ្នំពេញ និងកម្លាំងនគរបាលខណ្ឌឫស្សីកែវ បានដេញប្រម៉ាញ់
ក្រុម ចោរទាំងនេះ រហូតដល់ឃាត់ខ្លួនមុខ សញ្ញាជាជំហានដំបូងជិត ១០នាក់ ក្នុងនោះ ក៏មាន
ជនដៃដល់ពិតប្រាកដផងដែរ ហើយគិតត្រឹមវេលាម៉ោង ២និង៣០នាទី រសៀលថ្ងៃដដែលនេះ
ជនដៃដល់ម្នាក់ទៀត បាននិងកំពុងពួននៅក្នុងទឹកបឹង ខណៈដែលកម្លាំង នគរបាលកំពុងធ្វើការ
ឡោមព័ទ្ធ។

យោងតាមប្រភពព័ត៌មាន ពីសមត្ថកិច្ច ដែលចូលរួមក្នុងប្រតិបត្ដិការនេះបានឱ្យដឹងថា មនុស្សជិត
១០នាក់ ត្រូវបានឃាត់ខ្លួនជាជំហានដំបូង ដើម្បីសួរនាំ ថាតើពួកគេជាប់ពាក់ព័ន្ធនឹង ករណីបាញ់
ប្លន់យកម៉ូតូស្កុបពីនៅក្នុងបុរីណៃសុវណ្ណ ឬមួយយ៉ាងណានោះ ប៉ុន្ដែជនដៃដល់ពិតប្រាកដ ក៏ត្រូវ
បាន ចាប់ខ្លួនផងដែរ ពេលសមត្ថកិច្ចដេញតាមពីក្រោយនោះ។
បើយោងតាមសមត្ថកិច្ច ក្រោយពីមានករណីបាញ់ប្លន់ នេះ ស្នងការនគរបាលរាជធានីភ្នំពេញ
លោកឧត្ដមសេនីយ៍ ជួន សុវណ្ណ និងស្នងការរង ជួន ណារិន្ទ បានបញ្ជាឱ្យ កម្លាំងនគរបាលព្រហ្ម
ទណ្ឌ និងកម្លាំងនគរបាលខណ្ឌឫស្សីកែវ ដឹកនាំបញ្ជាផ្ទាល់ ដោយអធិការនគរបាលខណ្ឌ លោក
ទៀង ចាន់សា បានដេញតាមប្រមាញ់ និងរុករកក្រុមចោរទាំងនេះ ហើយក៏ឈានទៅដល់ការ
ឃាត់ខ្លួន ជនសង្ស័យជាបន្ដបន្ទាប់ ជិត ១០នាក់ ។
ដោយឡែកម៉ូតូរបស់ជនរងគ្រោះ ម៉ាកស្កុបពី ពណ៌សលាយខ្មៅ ស៊េរី ២០១៣ ដែលក្រុមចោរ
បាញ់ប្លន់បានសម្រេច នៅក្នុងបុរីណៃសុវណ្ណ ក៏ត្រូវបានសមត្ថកិច្ចដកហូតមកវិញដែរ រួច ប្រគល់
ជូនជនរងគ្រោះវិញ ។

សូមបញ្ជាក់ថា នៅវេលាម៉ោងប្រមាណ១និង២០នាទី រសៀលថ្ងៃទី២៦ ខែមីនា ឆ្នាំ២០១៣ នេះ
ខណៈដែលជនរងគ្រោះ២នាក់ ម្នាក់ជាអ្នកឌុប ឈ្មោះ ចន្ធី អាយុប្រមាណ ៤៥ឆ្នាំ និងក្មេងស្រី
ឈ្មោះ ហុក ស្រីអូន ជាសិស្សសាលាអង្គុយពីក្រោយ ស្រាប់តែលេចមុខជនសង្ស័យមួយក្រុម
បានភ្ជង់និងបាញ់ គំរាមយកម៉ូតូស្កុបពី គេចតាមទ្វារក្រោយនៃបុរី ប៉ុន្ដែក៏ត្រូវបានសមត្ថកិច្ច តាម
រុករករហូតដល់ឃាត់ខ្លួនខាងលើ នេះ ។

បច្ចុប្បន្នជនសង្ស័យទាំងអស់ ស្ថិតក្រោមការសាកសួរ ដើម្បីស្វែងរកជនដៃដល់ពិតប្រាកដ រីឯ
ជនដៃដល់ ម្នាក់ទៀត ដែលជាមុខសញ្ញាពិតប្រាកដ នោះ ត្រុវបានសមត្ថកិច្ចឡោមព័ទ្ធ ខណៈ
ដែលជនសង្ស័យរូបនេះ កំពុង ពួននៅក្នុងទឹកបឹង។
ស្នងការរងនគរបាល និងជាប្រធានការិយាល័យកណ្ដាលយុត្ដិធម៌ លោក ជួន ណារិន្ទ បានថ្លែង
ឱ្យដឹងថា នៅពេលនេះកម្លាំងសមត្ថកិច្ចរបស់លោក បាននិងកំពុងឡោមព័ទ្ធជនសង្ស័យម្នាក់ទៀត
ដែលកំពុងពួន សម្ងំនៅក្នុងបឹងកំបោ្លក។
បើតាមលោក ជួន ណារិន្ទ ក្រោយពីធ្វើសកម្មភាព ប្លន់ម៉ូតូស្កុបពីរួច ជនសង្ស័យទាំងនេះ បាន
កាច់ស្លាកលេខម៉ូតូចោល ដើម្បីរត់គេចខ្លួន ប៉ុន្ដែត្រូវ បានកម្លាំងសមត្ថកិច្ចរបស់លោក សហការ
គ្នាតាមប្រមាញ់ បានជោគជ័យ៕ — at Popzone Asia.

បង្ក្រាបក្រុមចោរប្លន់ ម៉ូតូស្កុបពី បានភ្លាមៗនៅសង្កាត់ ទួលសង្កែ

ភ្នំពេញៈ បន្ទាប់ពីមានករណី បាញ់ប្លន់ម៉ូតូស្កុបពីបានសម្រេច នៅក្នុងបុរី ណៃសុវណ្ណ ក្នុងសង្កាត់ទួលសង្កែ ខណ្ឌឫស្សីកែវ នារសៀលថ្ងៃទី២៦ ខែមីនា ឆ្នាំ២០១៣នេះ កម្លាំងនគរបាលការិយាល័យកណ្ដាលយុត្ដិធម៌ រាជធានីភ្នំពេញ និងកម្លាំងនគរបាលខណ្ឌឫស្សីកែវ បានដេញប្រម៉ាញ់ក្រុម ចោរទាំងនេះ រហូតដល់ឃាត់ខ្លួនមុខ សញ្ញាជាជំហានដំបូងជិត ១០នាក់ ក្នុងនោះ ក៏មានជនដៃដល់ពិតប្រាកដផងដែរ ហើយគិតត្រឹមវេលាម៉ោង ២និង៣០នាទី រសៀលថ្ងៃដដែលនេះ ជនដៃដល់ម្នាក់ទៀត បាននិងកំពុងពួននៅក្នុងទឹកបឹង ខណៈដែលកម្លាំង នគរបាលកំពុងធ្វើការឡោមព័ទ្ធ។

យោងតាមប្រភពព័ត៌មាន ពីសមត្ថកិច្ច ដែលចូលរួមក្នុងប្រតិបត្ដិការនេះ បានឱ្យដឹងថា មនុស្សជិត ១០នាក់ ត្រូវបានឃាត់ខ្លួនជាជំហានដំបូង ដើម្បីសួរនាំ ថាតើពួកគេជាប់ពាក់ព័ន្ធនឹង ករណីបាញ់ប្លន់យកម៉ូតូស្កុបពីនៅក្នុងបុរីណៃសុវណ្ណ ឬមួយយ៉ាងណានោះ ប៉ុន្ដែជនដៃដល់ពិតប្រាកដ ក៏ត្រូវបាន ចាប់ខ្លួនផងដែរ ពេលសមត្ថកិច្ចដេញតាមពីក្រោយនោះ។

បើយោងតាមសមត្ថកិច្ច ក្រោយពីមានករណីបាញ់ប្លន់ នេះ ស្នងការនគរបាលរាជធានីភ្នំពេញ លោកឧត្ដមសេនីយ៍ ជួន សុវណ្ណ និងស្នងការរង ជួន ណារិន្ទ បានបញ្ជាឱ្យ កម្លាំងនគរបាលព្រហ្មទណ្ឌដឹកនាំដោយលោក អេង សោភា ប្រធានការិយាល័យព្រហ្មទណ្ឌកម្រិតធ្ងន់ និងកម្លាំងនគរបាលខណ្ឌឫស្សីកែវ ដឹកនាំបញ្ជាផ្ទាល់ ដោយអធិការនគរបាលខណ្ឌ លោក ទៀង ចាន់សា បានដេញតាមប្រមាញ់ និងរុករកក្រុមចោរទាំងនេះ ហើយក៏ឈានទៅដល់ការឃាត់ខ្លួន ជនសង្ស័យជាបន្ដបន្ទាប់ ជិត ១០នាក់ ។

ដោយឡែកម៉ូតូរបស់ជនរងគ្រោះ ម៉ាកស្កុបពី ពណ៌សលាយខ្មៅ ស៊េរី ២០១៣ ដែលក្រុមចោរបាញ់ប្លន់បានសម្រេច នៅក្នុងបុរីណៃសុវណ្ណ ក៏ត្រូវបានសមត្ថកិច្ចដកហូតមកវិញដែរ រួច ប្រគល់ជូនជនរងគ្រោះវិញ ។

សូមបញ្ជាក់ថា កាលពីវេលាម៉ោង ១៖០០នាទីរសៀលថ្ងៃទី២៦ ខែមីនា ឆ្នាំ២០១៣នេះ មានករណីប្លន់ម៉ូតូស្កូពី សេរី 2013 ដែល ស្លាកលេខ ភ្នំពេញ 1BS -2683 ពណស លាយខ្មៅ នៅនឹងមុខផ្ទះរបស់ ជនរងគ្រោះតែម្តង ដែលមានទីតាំង ស្ថិតនៅក្នុង បុរីណៃសុវណ្ណ ច្រកទីបី សង្កាត់ទួលសង្កែរ ខណ្ឌឫស្សីកែវ។

សេចក្តីរាយការណ៍ ពីកន្លែងកើតហេតុ បានឲ្យដឹងថា ក្រុមចោរមានគ្នា៣នាក់ ប្រដាប់ដោយ កាំភ្លើងខ្លីមួយដើម ម៉ាកឡុក បានភ្ជង់ជនរងគ្រោះ ឈ្មោះ ចាន់ធី អាយុ៤៥ឆ្នាំ ជាអ្នកឌុប និងក្មេងស្រី ឈ្មោះ ហុក ស្រីអូន យកខ្សែករ និង ទាញយក ម៉ូតូ ជិះចេញ តែម្តង ទាមទ្វារក្រោយដោយសារ តែគ្មានសន្តិសុខ យាមនៅទីនោះ។ ដោយឃើញ ហេតុការណ៍នេះ បងប្រុសរបស់ជនរងគ្រោះ ក៏បានចេញពីក្នុងផ្ទះ ហើយទៅប្រទាញយក ម៉ូតូមកវិញ ភ្លាមនោះ ក្រុមចោរ បានបាញ់តំរង់គាត់ តែសំណាងល្អមិន ត្រូវគាត់ឡើយ។ ក្រុមចោមានគ្នា៣នាក់ ជិះម៉ូតូអាយខុន ពណ៌ ផ្កាឈូក កាំភ្លើងខ្លីមួយដើម ម៉ាកឡុក។

ក្រោយកើតហេតុ កម្លាំងនគរបាល បានចុះទៅកន្លែង កើតហេតុភ្លាមៗ ទំនាក់ទំនង គ្រប់គោលដៅ ក៏បានប្រទះឃើញ ម៉ូតូមួយគ្រឿង ដែលសង្ស័យថា ក្រុមចោរយកទៅប្លុងចោល នៅភូមិដើមខ្វិត ចំងាយប្រមាណ ៥០០ ម៉ែត្រ ពីកន្លែងកើតហេតុ រួចរត់យករួចខ្លួន ។ ។

បច្ចុប្បន្នជនសង្ស័យទាំងអស់ ស្ថិតក្រោមការសាកសួរ ដើម្បីស្វែងរកជនដៃដល់ពិតប្រាកដ រីឯជនដៃដល់ ម្នាក់ទៀត ដែលជាមុខសញ្ញាពិតប្រាកដ នោះ ត្រុវបានសមត្ថកិច្ចឡោមព័ទ្ធ ខណៈដែលជនសង្ស័យរូបនេះ កំពុង ពួននៅក្នុងទឹកបឹង។

ស្នងការរងនគរបាល និងជាប្រធានការិយាល័យកណ្ដាលយុត្ដិធម៌ លោក ជួន ណារិន្ទ បានថ្លែង ឱ្យដឹងថា នៅពេលនេះកម្លាំងសមត្ថកិច្ចរបស់លោក បាននិងកំពុងឡោមព័ទ្ធជនសង្ស័យម្នាក់ទៀត ដែលកំពុងពួន សម្ងំនៅក្នុងបឹងកំបោ្លក។

បើតាមលោក ជួន ណារិន្ទ ក្រោយពីធ្វើសកម្មភាព ប្លន់ម៉ូតូស្កុបពីរួច ជនសង្ស័យទាំងនេះ បានកាច់ស្លាកលេខម៉ូតូចោល ដើម្បីរត់គេចខ្លួន ប៉ុន្ដែត្រូវ បានកម្លាំងសមត្ថកិច្ចរបស់លោក សហការគ្នាតាមប្រមាញ់ បានជោគជ័យ៕

ផ្តល់សិទ្ធដោយ ដើមអម្ពិល

បើករថយន្ដ ទាំងស្រវឹង បញ្ច្រាស់ទិស ចរាចរ បុកម៉ូតូកង់ ៣ ផ្ទប់នឹងជញ្ជាំងផ្ទះ ស្លាប់ ១ របួសធ្ងន់ ២ នាក់

ភ្នំពេញ ៖ យ៉ាងហោចណាស់ ស្ដ្រីម្នាក់ បានស្លាប់ភ្លាមៗ នៅកន្លែងកើតហេតុ រីឯ ២ នាក់ផ្សេង
ទៀត ក្នុងនោះម្នាក់ជាម្ចាស់ម៉ូតូកង់ ៣ បានរងរបួសយ៉ាងធ្ងន់ធ្ងរត្រូវដឹក បញ្ជូនទៅកាន់មន្ទីរពេទ្យ
ភ្លាមៗ ក្រោយ កើតហេតុ បន្ទាប់ពីមានរថយន្ដលុច្សស៊ីស ១ គ្រឿង ដែលអ្នកបើកបរមានអាការៈ
ស្រវឹង ឡើងជោកជាំបើកក្នុងល្បឿនលឿន និងបញ្ច្រាសទិសចរាចរ ជ្រុលទៅបុកម៉ូតូ កង់ ៣
ដែលកំពុងធ្វើដំណើរបញ្ច្រាសទិស គ្នា ។

គ្រោះថ្នាក់ចរាចរដ៏គួរឱ្យរន្ធត់ និង បណ្ដាលឱ្យមនុស្សស្លាប់ រងរបួសចំនួន ៣ នាក់ខាងលើនេះ
បានកើតឡើងកាលពី វេលាម៉ោង ២ និង២០នាទីយប់ រំលង អាធ្រាត្រ ចូលថ្ងៃទី២៥ ខែមីនា
ឆ្នាំ២០១៣ ស្ថិតនៅមុខផ្ទះលេខ ១៣៣ តាមបណ្ដោយ ផ្លូវលេខ ១៨២ ក្នុងសង្កាត់អូរឫស្សីទី២
ខណ្ឌ ៧ មករា។ គ្រោះថ្នាក់ចរាចរដែល បានកើតឡើងខាងលើនេះ ផ្ដើមចេញពីអ្នក បើករថយន្ដ
មានជាតិស្រវឹង និងបើកមិន គោរពច្បាប់ចរាចរ ធ្វើឱ្យប៉ះពាល់ដល់អ្នក រួមដំណើរផ្សេងទៀត ។

យោងតាមមន្ដ្រីនគរបាល ចរាចរជើង គោក រាជធានីភ្នំពេញ បានថ្លែងឱ្យដឹងថា ជនរងគ្រោះដែល
ស្លាប់នៅនឹងកន្លែងកើត ហេតុនោះ ឈ្មោះ សួន ដាលីស ភេទស្រី អាយុ ២៣ឆ្នាំ រស់នៅក្នុងបុរីពិ
ភពថ្មី តាមបណ្ដោយផ្លូវវ៉េងស្រេង ភូមិត្រញំងថ្លឹង សង្កាត់ចោមចៅ ខណ្ឌពោធិ៍សែនជ័យ ។

ដោយឡែកជនរងគ្រោះ ២នាក់ផ្សេងទៀត ដែលរងរបួសធ្ងន់រួមមាន ទី១ ឈ្មោះ នួន សំអាត
ភេទប្រុសអាយុ ៣៥ឆ្នាំ មានស្រុក កំណើតនៅភូមិ ៧មករា ឃុំតាំងក្រសាំង ស្រុកសន្ទុក ខេត្ដ
កំពង់ធំ បច្ចុប្បន្នស្នាក់នៅ ក្នុងរាជធានីភ្នំពេញ ហើយមានមុខរបរជា អ្នករត់ម៉ូតូកង់ ៣ និងទី២
ឈ្មោះ សួន ស្រី ពៅ ភេទស្រី អាយុ ២០ឆ្នាំ រស់នៅក្នុងបុរី ពិភពថ្មី តាមផ្លូវវ៉េងស្រេង ភូមិត្រញំង
ថ្លឹង សង្កាត់ចោមចៅ ខណ្ឌពោធិ៍សែនជ័យ ដែល រួមដំណើរជាមួយជនរងគ្រោះដែលស្លាប់។

មន្ដ្រីនគរបាលចរាចរជើងគោក បានឱ្យ ដឹងថា មុនពេលកើតហេតុរថយន្ដលុច្សស៊ីស RX 300
ពណ៌ខ្មៅ ពាក់ស្លាកលេខ ភ្នំពេញ 2L-5352 បើកបរ ដោយបុរស ម្នាក់ឈ្មោះ វង់ ដារ៉ាវុធ អាយុ
៣០ឆ្នាំ មានស្រុកកំណើត នៅស្រុកក្រូចឆ្មា ខេត្ដកំពង់ចាម បានធ្វើ ដំណើរបញ្ច្រាសរបាំងថ្ម បែង
ចែកទ្រូងផ្លូវ លេខ ១៨២ ក្នុងទិសដៅពី លិចទៅកើត លុះ ដល់ចំណុចកើតហេតុខាងលើ ស្រាប់
តែ រថយន្ដរេចង្កូតទៅបុកម៉ូតូសន្ដោងរ៉ឺម៉កម៉ាក ស៊ីធីប្លើស ពណ៌ក្រហម ពាក់ស្លាកលេខ ភ្នំពេញ
១ពភ-២៨៣៨ ដែលកំពុងធ្វើដំណើរមក ពីខាងមុខ បណ្ដាលឱ្យស្ដ្រីម្នាក់ដែលជិះនៅ លើម៉ូតូកង់
៣ ស្លាប់ភ្លាមៗនៅកន្លែងកើត ហេតុ បន្ទាប់ពីរថយន្ដបង្កបានបុកម៉ូតូកង់៣ ទៅផ្ទប់ នឹងទ្វារដែក
ផ្ទះល្វែង នៅក្បែរកន្លែង កើតហេតុនោះ ។

យោងតាមប្រភពព័ត៌មាន ពីមន្ដ្រីនគរ បាលចរាចរជើងគោក ក្រោយកើតហេតុ អ្នកបើករថយន្ដ
បង្ក ដែលមានអាការៈ ស្រវឹងនោះ ត្រូវបានឃាត់ខ្លួនភ្លាមៗផង ដែរ បន្ទាប់ពីរថយន្ដរបស់គេទៅ
មុខលែង រួច និងបណ្ដាលឱ្យរងការខូចខាតយ៉ាងធ្ងន់ ធ្ងរ ។ ក្រោយកើតហេតុមន្ដ្រីនគរបាល
ចរាចរ បានពិនិត្យជាតិអាល់កុល អ្នកបើករថយន្ដ បង្ហាញថា អ្នកបើករថយន្ដរូបនេះមានជាតិ
អាល់កុល ០,៨៣ មីលីក្រាម ក្នុង១លីត្រ ខ្យល់ ។ អ្នកបើករថយន្ដបង្កដែលបច្ចុប្បន្ន រស់នៅផ្ទះ
ជួល តាមបណ្ដោយផ្លូវលេខ១៨២ សង្កាត់អូរឫស្សីទី២ ខណ្ឌ៧មករា និងបម្រើ ការងារនៅក្លឹប
មួយកន្លែង បានប្រាប់សមត្ថ កិច្ចថា មុនពេលកើតហេតុខ្លួនបានទៅចូល រួមពិធីខួបកំណើតក្មួយ
នៅបុរីទួលគោក ។

អ្នកបើករថយន្ដបង្ករូបនេះបានបន្ដថា ក្រោយ ពីបានចូលរួម និងបានផឹកស៊ីនៅក្នុងកម្មពិធី នោះ
ប្រហែល ៣០នាទី ក៏បើករថយន្ដទៅ ធ្វើការវិញ លុះដល់វេលាម៉ោង ១ជាង បានចេញពីកន្លែង
ធ្វើការដោយបើករថយន្ដតាម ផ្លូវលេខ ២១៧ លុះមកដល់រង្វង់មូលនាង គង្ហីង ក្នុងល្បឿនប្រ-
ហែល ៦០គីឡូម៉ែត្រ ក្នុង ១ម៉ោង ក៏បត់ស្ដាំចូលផ្លូវលេខ ១៨២ ឆ្ពោះទៅខាងកើត ។ ពេលបត់
បានបន្ដិច ស្រាប់តែម៉ូតូ១គ្រឿង បើកបញ្ច្រាស ភ្លាមៗ នោះ អ្នកបើករថយន្ដបានគេចមកឆ្វេង
ក៏ ជ្រុលទៅបុកម៉ូតូកង់ ៣ តែម្ដងទៅ ។

គួរបញ្ជាក់ថា ដោយសារតែអ្នកបើកបរ មួយចំនួន មិនបានគោរពច្បាប់ចរាចរ ពោល បើកបរ
ដោយមានអាការៈស្រវឹង និងបើក បរ មិនគោរពភ្លើងសញ្ញាបានបង្កឱ្យមាន គ្រោះថ្នាក់ចរាចរ
កើតឡើងជាបន្ដបន្ទាប់។

នាយការិយាល័យ ចរាចរជើងគោករាជ ធានីភ្នំពេញ លោក ហេង ចាន់ធារី បានថ្លែងថា ដោយ
អនុវត្ដាមបទបញ្ជារបស់លោក ស្នងការឧត្ដមសេនីយ៍ ជួន សុវណ្ណ កម្លាំង នគរបាល ចរាចររាជ-
ធានីភ្នំពេញ សហការ ជាមួយកម្លាំងនគរបាលទាំង ៩ខណ្ឌ បាននិង កំពុងបន្ដប្រតិបត្ដិការ ដូច
ភ្លៀងរលឹមតាម រយៈការឃាត់ខ្លួន អ្នកបើករថយន្ដទាំងឡាយណា ដែលមានអាការៈស្រវឹង
ហើយ បង្កគ្រោះថ្នាក់ចរាចរ បណ្ដាលឱ្យអ្នកដទៃ ស្លាប់ និងខូចខាតទ្រព្យសម្បត្ដិសាធារណៈ
របស់រដ្ឋ គឺសមត្ថកិច្ចកសាងសំណុំរឿង និង បញ្ជូនខ្លួនជនទាំងនេះ ទៅកាន់តុលាការ ។

នាយរងការិយាល័យ ចរាចរជើងគោក រាជធានីភ្នំពេញ លោក ប៉ែន ឃុន បានឱ្យដឹងថាបច្ចុប្បន្ន
អ្នកបើករថយន្ដបង្ករូបនេះ រួមទាំងរថយន្ដ ត្រូវបានឃុំខ្លួន និងរក្សាទុក ជាបណ្ដោះអាសន្ន នៅ
ការិយាល័យចរាចរ ជើងគោក រាជធានីភ្នំពេញ ដើម្បីកសាង សំណុំរឿង បញ្ជូនទៅកាន់សាលា
ដំបូង រាជ ធានីភ្នំពេញ ចាត់ការតាមនីតិវិធី ៕