តាម
ការឲ្យដឹងពីប្រជាពលរដ្ឋ ដែលបានឃើញហេតុការណ៍ បានឲ្យដឹងថា
មុនពេលកើតហេតុ មានរថយន្តម៉ាកហ្វត ពណ៌ ទឹក ប្រាក់មួយគ្រឿង
ពាក់ស្លាកលេខ 2N-9041 បាន
បើកក្នុងល្បឿនយ៉ាងលឿនក្នុងទីប្រជុំជន លុះមកដល់ចំណុចកើតហេតុ
ក៏បានបុកគ្នាជាមួយម៉ូតូមួយគ្រឿង ម៉ាកសង់កូរ៉េ
ខណៈពេលដែលបើកបរស្របទិសគ្នា
ក៏ស្រាប់តែរថយន្តរបស់ក្រុមហ៊ុនសិលាអង្គរអ៊ិចប្រេស
បានបុកយ៉ាងពេញ ទំហឹងទៅលើជនរងគ្រោះ ចំកណ្តាលស្ពាន
បណ្តាលឲ្យជនរងគ្រោះរមៀលប៉ើងជាង១០ម៉ែត្រ
ទីបំផុតជនរងគ្រោះក៏បានដាច់ខ្យល់ស្លាប់នៅនឹងកន្លែងកើតហេតុតែ
ម្តង។
ខណៈ
ពេលដែលកើតហេតុ លោក ស្រី សំអុល អធិការរង ទទួលបន្ទុកផែនចរាចរ
ស្រុកជីក្រែង បានចុះទៅកន្លែងកើតហេតុភ្លាមៗ ដើម្បីធ្វើចរាចរ
រំដោះការកកស្ទះ និងជួយធ្វើអន្តរាគមន៍ ការពារទ្រព្យសម្បត្តិ
ដោយសារតែមាននៅក្នុងរថយន្តមានអ្នកដំណើរផងដែរ។ លោក ស្រី សំអុល
បានឲ្យដឹងថា ករណីគ្រោះថ្នាក់នេះ
បណ្តាលមកពីអ្នកបើករបរមិនគោរពច្បាប់ចរាចរផ្លូវគោក
ម្យ៉ាងទៀតចំណុចដែលបណ្តាលឲ្យគ្រោះថ្នាក់នេះ គឺជាចំណុចស្ពាន
និងជាកន្លែងទីប្រជុំជនទៀតផង។ ក្នុងករណីគ្រោះថ្នាក់នេះ
ជនរងគ្រោះដែលបើកបរ ម៉ូតូ ឈ្មោះ ជុន ភេទ ប្រុស អាយុ ៤៧ ឆ្នាំ រស់នៅភូមិ
បឹងព្រីង ឃុំជីក្រែង ស្រុកជីក្រែង ខេត្តសៀមរាប ចំណែក
ភាគីខាងរថយន្តក្រុមហ៊ុន សិលាអ៊ិចប្រេសនេះ
មិនទាន់ដឹងពីអត្តសញ្ញាណតៃកុងឡាននោះទេ
តែទោះជាយ៉ាងណាសមត្ថកិច្ចនៃអធិការដ្ឋាននគរបាល
ស្រុកជីក្រែងកំពុងតែធ្វើការទំនាក់ទំនង ឲ្យភាគីខាង
ក្រុមហ៊ុនចូលមកដោះស្រាយតាមនីតិវិធីនៃច្បាប់ ។
រីឯ
សាកសពត្រូវបានប្រគល់ជូនសាច់ញាតិ ទទួលយកទៅធ្វើបុណ្យតាមប្រពៃណី
ចំណែកវត្ថុតាង មានរថយន្តនិងម៉ូតូ
ត្រូវបាននាំយកមករក្សាទុកនៅអធិការស្រុកជីក្រែង។
គួរ
បញ្ជាក់ថា រថយន្តដឹកភ្ញៀវធុន២៤កៅអីនេះ
មានក្រុមហ៊ុនជាច្រើនប្រភេទបានប្រកបរបរដឹកជញ្ជូនតាមផ្លូវជាតិ
សំខាន់ៗ
ប៉ុន្តែក្រុមតៃកុងរថយន្តទាំងនោះបើកបរព្រហើនមិនសូវគោរពតាម
ច្បាប់ចរាចរនោះទេ
ដោយពួកតៃកុងរថយន្តទាំងនោះធ្វើយ៉ាងណាបើកឲ្យបានលឿនតាមបំណង
មិនគិតពីសុវត្ថិភាពអ្នកធ្វើដំណើរលើរថយន្ត
និងធ្វើដំណើរលើដងផ្លូវជាមួយគ្នានោះទេ៕
Categories:
ព័តមានជាតិ