ភ្នំពេញៈ ប្រធានរដ្ឋសភាលោក ហេង សំរិន កាលពីម្សិលមិញ បានថ្លែងអំពីភាពរីកចម្រើន នៅក្នុងវិស័យសេដ្ឋកិច្ចកម្ពុជា។
នៅក្នុងសុន្ទរកថា បើកសិក្ខាសាលារួមគ្នាលើកទី៤ រវាងសភាកម្ពុជា ឡាវ និងវៀតណាម ស្តីពី«តួនាទីសភា ក្នុងការរៀបចំថវិកាជាតិ ការលើកកម្ពស់ការត្រួតពិនិត្យថវិកា តាមរយៈការពង្រឹងអភិបាលកិច្ចល្អ» ដែលមានការចូលរួម ពីប្រតិភូវៀតណាម និងឡាវ លោក ហេង សំរិន បានថ្លែងថា កម្ពុជា មានសុទិដ្ឋិនិយមថា សេដ្ឋកិច្ចនឹងមានកំណើនប្រចាំឆ្នាំជាមធ្យមលើស ៧ ភាគរយក្នុងរយៈពេលមធ្យម ហើយតាមរយៈកំណើននេះ ផលិតផលក្នុងស្រុក សម្រាប់មនុស្សម្នាក់ៗ បានកើនឡើងពី ៧៦០ ដុល្លារ ក្នុងឆ្នាំ ២០០៨ រហូតដល់ជិត ១០០០ ដុល្លារ ក្នុងឆ្នាំ ២០១២ ហើយអាចនឹងកើនឡើងដល់ ១០៨០ ដុល្លារ ក្នុងឆ្នាំ២០១៣ នេះ។ លោកបន្តថា សមិទ្ធផលដ៏ប្រសើរនេះ ជាផ្នែកមួយ ស្តែងចេញពីការអនុវត្តគោលនយោបាយ និងការគ្រប់គ្រងថវិកាជាតិ ត្រូវបានកែលម្អ និងពង្រឹងជាបណ្តើរៗ ដែលការគ្រោងតម្រូវការ នៃការចំណាយកាន់តែមានភាពសុក្រឹត និងផ្សារភ្ជាប់ទៅនឹងគោលនយោបាយអាទិភាព ព្រមទាំងការប្រើប្រាស់ថវិកាជាតិ កាន់តែមានប្រសិទ្ធភាព។ លោក បន្ថែមថា ភាពរុងរឿង និងសុខុមាលភាព របស់ប្រជាជន គឺពឹងផ្អែកទៅលើសេចក្តីសម្រេចរបស់រដ្ឋាភិបាល ក្នុងការគ្រប់គ្រងថវិកាជាតិ ដោយតាមរយៈការប្រមូលប្រាក់ចំណូលនិងការចំណាយបានត្រឹមត្រូវ ។
តំណាងរាស្រ្តគណបក្ស សម រង្ស៊ី លោក សុន ឆ័យ បានថ្លែងថា តំណាងរាស្រ្តគណបក្សប្រឆាំង មិនត្រូវបានអញ្ជើញឲ្យចូលរួមសិក្ខាសាលានេះទេ ហើយជាងនេះទៀត ប្រទេសដែលត្រូវបានអញ្ជើញឲ្យចូលរួម គឺជាប្រទេសដែលមិនមែនជាគំរូល្អ សម្រាប់រដ្ឋាភិបាលដែលមានតម្លាភាពទេ។
លោក សុន ឆ័យ បានថ្លែងទៀតថា៖ «ឡាវ និងវៀតណាម គឺជាប្រទេសកុម្មុយនីស្ត។ យើងត្រូវតែរៀបចំថវិកា ទៅតាមបែបលទ្ធិប្រជាធិបតេយ្យសេរី ធ្វើការងារនេះ ដោយបើកចំហ។ វាត្រូវតែមានការចូលរួម ពីថ្នាក់ឫសគល់មូលដ្ឋាន»។
នៅក្នុងសុន្ទរកថា បើកសិក្ខាសាលារួមគ្នាលើកទី៤ រវាងសភាកម្ពុជា ឡាវ និងវៀតណាម ស្តីពី«តួនាទីសភា ក្នុងការរៀបចំថវិកាជាតិ ការលើកកម្ពស់ការត្រួតពិនិត្យថវិកា តាមរយៈការពង្រឹងអភិបាលកិច្ចល្អ» ដែលមានការចូលរួម ពីប្រតិភូវៀតណាម និងឡាវ លោក ហេង សំរិន បានថ្លែងថា កម្ពុជា មានសុទិដ្ឋិនិយមថា សេដ្ឋកិច្ចនឹងមានកំណើនប្រចាំឆ្នាំជាមធ្យមលើស ៧ ភាគរយក្នុងរយៈពេលមធ្យម ហើយតាមរយៈកំណើននេះ ផលិតផលក្នុងស្រុក សម្រាប់មនុស្សម្នាក់ៗ បានកើនឡើងពី ៧៦០ ដុល្លារ ក្នុងឆ្នាំ ២០០៨ រហូតដល់ជិត ១០០០ ដុល្លារ ក្នុងឆ្នាំ ២០១២ ហើយអាចនឹងកើនឡើងដល់ ១០៨០ ដុល្លារ ក្នុងឆ្នាំ២០១៣ នេះ។ លោកបន្តថា សមិទ្ធផលដ៏ប្រសើរនេះ ជាផ្នែកមួយ ស្តែងចេញពីការអនុវត្តគោលនយោបាយ និងការគ្រប់គ្រងថវិកាជាតិ ត្រូវបានកែលម្អ និងពង្រឹងជាបណ្តើរៗ ដែលការគ្រោងតម្រូវការ នៃការចំណាយកាន់តែមានភាពសុក្រឹត និងផ្សារភ្ជាប់ទៅនឹងគោលនយោបាយអាទិភាព ព្រមទាំងការប្រើប្រាស់ថវិកាជាតិ កាន់តែមានប្រសិទ្ធភាព។ លោក បន្ថែមថា ភាពរុងរឿង និងសុខុមាលភាព របស់ប្រជាជន គឺពឹងផ្អែកទៅលើសេចក្តីសម្រេចរបស់រដ្ឋាភិបាល ក្នុងការគ្រប់គ្រងថវិកាជាតិ ដោយតាមរយៈការប្រមូលប្រាក់ចំណូលនិងការចំណាយបានត្រឹមត្រូវ ។
តំណាងរាស្រ្តគណបក្ស សម រង្ស៊ី លោក សុន ឆ័យ បានថ្លែងថា តំណាងរាស្រ្តគណបក្សប្រឆាំង មិនត្រូវបានអញ្ជើញឲ្យចូលរួមសិក្ខាសាលានេះទេ ហើយជាងនេះទៀត ប្រទេសដែលត្រូវបានអញ្ជើញឲ្យចូលរួម គឺជាប្រទេសដែលមិនមែនជាគំរូល្អ សម្រាប់រដ្ឋាភិបាលដែលមានតម្លាភាពទេ។
លោក សុន ឆ័យ បានថ្លែងទៀតថា៖ «ឡាវ និងវៀតណាម គឺជាប្រទេសកុម្មុយនីស្ត។ យើងត្រូវតែរៀបចំថវិកា ទៅតាមបែបលទ្ធិប្រជាធិបតេយ្យសេរី ធ្វើការងារនេះ ដោយបើកចំហ។ វាត្រូវតែមានការចូលរួម ពីថ្នាក់ឫសគល់មូលដ្ឋាន»។
 |
| លោក ហេង សំរិន ប្រធានរដ្ឋសភា នៅក្នុងសិក្ខាសាលា កាលពីម្សិលមិញ។ |
Categories:
ព័តមានជាតិ