ពោធិ៍សាត់ ៖ បុរសម្នាក់ឈ្មោះម៉ាក់គីបអាយុ២៨ឆ្នាំ នៅភូមិ.ឃុំ
បឹងខ្នា ស្រុកបាកាន
ខេត្តពោធិ៍សាត់បានផឹកស៊ីរហូតឡប់សតិរត់ឡើងលើដំបូលផ្ទះខ្លួនឯងលោត
មកដីសម្លាប់ខ្លួនស្លាប់នៅនឹងកន្លែងភ្លាមៗ
បើទោះជាមានការទប់ស្កាត់ពីក្រុមគ្រួសាររាល់ពេលបុរសនេះផឹក
ស្រវឹងស្រាយ៉ាងណាក៏ដោយ។
ហេតុការណ៍នេះបានកើតឡើងកាលពីវេលាម៉ោង១០យប់ ថ្ងៃទី៣ ខែមីនា
ឆ្នាំ២០១៣។
លោក
ញៀន សាវឿន
នាយប៉ុស្ដិ៍រដ្ឋបាលឃុំបឹងខ្នារបានទៅដល់កន្លែងកើតហេតុដើម្បីរក
មូលហេតុដំណើររឿងនេះឲ្យកម្ពុជាថ្មីដឹងថា
បុរសនេះពីមុនជាមនុស្សពុំចេះផឹកស្រានោះទេ
គឺជាមនុស្សមានសតិល្អត្រឹមត្រូវដូចមនុស្សឯទៀតនៅក្នុងស្រុកដែរ។
ប៉ុន្តែនៅពេលបុរសនេះចេះផឹកស្រាពីមួយថ្ងៃទៅមួយថ្ងៃក៏ចាប់ផ្ដើម
គ្រប់គ្រងខ្លួនឯងលែងបាន ធ្វើនេះធ្វើនោះតាមនឹកឃើញ
ខុសប្លែកពីកាលមិនទាន់ចេះផឹកស្រា
ហើយពេលរូបគេមិនផឹកគឺជួយធ្វើការលក់ត្រីជាមួយប្រពន្ធដូចមនុស្ស
ធម្មតា។ ស្រាប់តែមុនពេលកើតហេតុនោះមួយថ្ងៃក៏ចាប់ផ្ដើមផឹកស្រាទៀត
ភាពឡប់សតិក៏កើតមានឡើង ហើយមានបំណងសម្លាប់ខ្លួន
តែបានក្រុមគ្រួសារជួយការពារមិនឲ្យមានគ្រោះថ្នាក់នោះ។
លុះដល់ម៉ោង១៦យប់ ក្រុមគ្រួសារស្មានតែបុរសនេះដេកលក់លើផ្ទះនោះ
ហើយក៏នាំគ្នាដេកដែរ ស្រាប់តែបុរសនោះស្ទុះងើបឡើងលើដំបូលផ្ទះ
ដែលមានកម្ពស់១១ម៉ែត្រពីដី ផ្នែកចំហៀងផ្ទះខាងត្បូង
រួចលោតមកដីដាំក្បាលចុះក្រោមបាក់.កស្លាប់មួយរំពេចបង្កការភ្ញាក់ផ្អើលតែម្ដង។
គ្រូពេទ្យ
ជំនាញនិយាយថា បុរសនេះបានផឹកស្រារហូតដល់គ្រប់គ្រងខ្លួនឯងលែងបាន
ហើយព្យាយាមផឹកទៀត
ក៏កើតជាមនុស្សមិនប្រក្រតីឡើងលើដំបូលផ្ទះធ្វើអត្តឃាតដោយលោតមកដី
តែម្ដង៕
Categories:
ព័តមានជាតិ