រាជធានីភ្នំពេញ ៖ បុរស២ នាក់ រងរបួសធ្ងន់ ខណៈពេលជិះម៉ូតូជែងរ៉ឺម៉កម៉ូតូ ធ្វើឲ្យប៉ះដៃចង្កូត ដួលខ្ទាតទៅបោកនឹងទ្វាររថយន្ត រងរបួស ។
គ្រោះថ្នាក់នេះ កើតឡើងនៅវេលាម៉ោង១១ និង៣០ នាទីយប់ថ្ងៃទី២៥ មីនា នៅគល់ស្ពានស្ទឹងមានជ័យខាងកើត តាមមហាវិថីព្រះមុនីរ៉េត ក្នុងសង្កាត់បឹងសាឡាង ខណ្ឌទួលគោក ។
សាក្សីឃើញហេតុការណ៍បានឲ្យដឹងថា មុនពេលកើតហេតុម៉ូតូវីវ៉ា ពណ៌ក្រហម ជិះគ្នា ២នាក់ ក្នុងទិសដៅពីកើតទៅលិច ស្របជាមួយរ៉ឺម៉កម៉ូតូ ខណៈមកដល់ចំណុចខាងលើ ម៉ូតូបើកជែងរ៉ឺម៉កម៉ូតូ ធ្វើឲ្យប៉ះដៃចង្កូតជាមួយរ៉ឺម៉កម៉ូតូ ដួលខ្ទាតទៅបោកនឹងទ្វារថយន្តកាមរី បាឡែន ពណ៌ស្ករ បើកក្នុងទិសដៅបញ្រ្ចាសទិសគ្នា ធ្វើឲ្យអ្នកជិះម៉ូតូទាំង២នាក់ រងរបួសធ្ងន់ ។
ក្រោយពេលកើតហេតុ ជនរងគ្រោះ ត្រូវរថយន្តសង្គ្រោះដឹកយកទៅព្យាបាលនៅមន្ទីរពេទ្យ ចំណែករថយន្ត និងម៉ូតូវីវ៉ា ត្រូវសមត្ថកិច្ចធ្វើការវាស់វែង យកទៅខណ្ឌទួលគោក ចំណែករ៉ឺម៉កម៉ូតូ បើកទៅមុខបាត់ ៕
Categories:
ព័តមានជាតិ