យោង
តាមសេចក្តីរាយការណ៍បណ្ដាញផ្សព្វផ្សាយចិនបានឲ្យដឹងថា
កំពូលតារាភាពយន្តចិនហុងកុង ឈុន ឡុង
បានអំពាវនាវឲ្យមានសុវត្ថិភាពចំណីអាហារ
និងមានវិធានការតឹងតែងលើការអនុវត្តផ្នែកច្បាប់។
ការអំពាវនាវនេះបានកើតមានឡើងនៅពេលលោកចូលរួមកិច្ចប្រជុំមួយនៃអនុ
គណៈកម្មការសិល្បៈមួយនៃស្ថាប័នប្រឹក្សានយោបាយកំពូលរបស់សាធារណរដ្ឋ
ប្រជាមានិតចិនកាលពីច័ន្ទ។
តារាភាពយន្ត
វាយតប់ដែលជាសិល្បករម្នាក់ក្នុងចំណោមសិល្បករអាស៊ីមួយចំនួនតូចដែល
មានកេរ្តិ៍ល្បីបោះសំឡេងទៅកាន់បស្ចិមប្រទេសបានព្រមានថា
កំណត់ត្រាសុវត្ថិភាពចំណីអាហារទន់ខ្សោយរបស់ប្រទេសចិននឹងក្លាយជា«រឿងអស់សំណើចមួយដែលមានរាប់រយឆ្នាំមកហើយ»បើសិនមិនមានអ្វីកែប្រែ មិនអាចធ្វើឲ្យស្ថានភាពបច្ចុប្បន្នមានលក្ខណៈល្អប្រសើរទេនោះ។
លោកនិយាយថា ៖«គ្រប់ពេលវេលា
ដែលខ្ញុំនៅក្នុងប្រទេសចិន ជនបរទេសនឹងសើចអំពីសុវត្ថិភាពអាហារយើង
ហើយសួរខ្ញុំថា អាហារនេះអាចញាំបានទេ? ខ្ញុំប្រាប់ពួកគេវិញថា អាចញាំបាន»។
ឈិន ឡុងបានបន្តប្រាប់អ្នកសារព័ត៌មានកាលពីថ្ងៃអង្គារថា «ប៉ុន្តែ
គ្រប់ពេលដែលខ្ញុំទៅសហរដ្ឋអាមេរិក ពួកគេអង្គុយជិតខ្ញុំ
ហើយនិយាយថា លោកអាចសម្រាកកាយហើយញាំអាហារនេះបាន។
នោះហើយជាកិច្ចការរបស់យើងចង់បាន»។
លោកនិយាយថា ៖«ខ្ញុំមានអារម្មណ៍ខឹងខ្លាំងណាស់ ប៉ុន្តែខ្ញុំចេះតែធ្វើពុតញញឹម។ ហេតុអីបានជាអីចឹង? តាមពិត
ទៅនោះគឺជាបញ្ហាសុវត្ថិភាពម្ហូបអាហារ។ នៅពេលជនបរទេសឃើញអាហារយើង
ពួកគេបានគិតអ្វីលើសពីហ្នឹងថែមទៀត។ ខ្ញុំសង្ឃឹមថា
បញ្ហានេះអាចដោះស្រាយបាន
ហើយប្រជាជនអាចបំភ្លេចរឿងនេះចោលយ៉ាងឆាប់រហ័ស»។
ក្រៅពី
ការលើកឡើងអំពីសុវត្ថិភាពចំណីអាហារ ឈិន ឡុង
ក៏បានលើកឡើងពីការអនុវត្តច្បាប់ជាពិសេសការអនុវត្តច្បាប់កម្មសិទ្ធិ
បញ្ហា
ហើយការពារសិទ្ធិអចលនទ្រព្យនៅក្នុងប្រទេសចិនកំឡុងពេលកិច្ចប្រជុំ
កាលពីថ្ងៃច័ន្ទ។
តារាភាពយន្ត
វ័យ៥៨ឆ្នាំបានសម្តែងមតិថា
សកម្មភាពលួចម្លងនៅក្នុងប្រទេសចិនកាន់តែធ្ងន់ៗទៅ ហើយជឿថា
បរិយាកាសដ៏តឹងតែងបែបនេះគួរតែដោះស្រាយឲ្យបានល្អប្រសើរ។
ជាមួយគ្នានេះលោកក៏បានលើកឡើងពី ច្បាប់ជក់បារីដែរថា
គួរតែធ្វើឲ្យមានប្រសិទ្ធភាពចំពោះការកែប្រែឥរិយាបថរបស់មនុស្សនៅ
សិង្ហបុរី។
នៅក្នុងកិច្ចប្រជុំនោះលោកបាននិយាយថា ៖«ការអនុវត្ត
ផ្លូវច្បាប់នៅក្នុងប្រទេសចិនវាធូររលុងពេក។
ពេលមួយខ្ញុំបាននាំអ្នកដឹកនាំខ្សែភាពយន្តចិនមួយក្រុមទៅក្រុងចិន
Zhuhaiនៅសិង្ហបរី។
ប៉ូលិសម្នាក់បានមករកយើង ហើយបានព្រមានពួកយើងថា
ការជក់បារីមិនត្រូវបានអនុញ្ញាតឡើយនៅទីនោះ។
ប៉ុន្តែអ្វីដែលចម្លែកនោះគឺថា
អ្នករាល់គ្នានៅទីនោះនៅតែជក់បារីក្នុងនោះមានទាំងប្រធានរបស់ខ្ញុំ
ផងដែរ»។
លោកបន្តថា «នៅពេលពេលខ្ញុំឡើងយន្តហោះចេញពីប្រទេសសិង្ហបុរី ខ្ញុំបានសួរអ្នកដឹកនាំទាំងនោះថា ហេតុអ្វីបានជានាំគ្នាជក់បារី? ពួកគាត់បានឆ្លើយថា គ្មានបញ្ហាអីទេនៅទីនោះនោះព្រោះមានតែច្បាប់តែការអនុវត្តធូរលុងណាស់»៕
Categories:
ព័តមានអន្តរជាតិ