ភ្នំពេញៈ សាលារាជធានីភ្នំពេញ បានចេញសេចក្តីជូនដំណឹងមួយ
ដល់ប្រជាពលរដ្ឋទាំងអស់នៅរាជធានីភ្នំពេញ
ស្តីពីការសាងសង់ផ្លូវក្រោមដីរួមមានហាងលក់ទំនិញ
និងហាងលក់វត្ថុអនុស្សវរីយ៍ផេ្សងៗ។
យោងតាមសេចក្តីជូនដំណឹងចុះថ្ងៃទី ០៤ ខែមីនា បានឲ្យដឹងថារាជរដ្ឋាភិបាលបានសម្រេចតាមរយៈលិខិតលេខ ៦៥០ សជណ ចុះថ្ងៃទី០២ ខែមិថុនា ឆ្នាំ២០១១ របស់ទីស្តីការគណៈរដ្ឋមន្ត្រី ប្រគល់សិទ្ធិជូនក្រុមហ៊ុន តាន់ស្រ៊ីឆេនអ៊ីញ (ធី អេស ស៊ីអាយ) ដើម្បីធ្វើការអភិវឌ្ឍន៍សាងសង់ផ្លូវក្រោមដីរួមមានហាងលក់ទំនិញ និងហាងលក់វត្ថុអនុស្សវរីយ៍ផេ្សងៗ។
ការសាងសង់ផ្លូវក្រោមដីនោះ មានបណ្តោយ ៤៤៧ម៉ែត្រ ទទឹង ២៣ម៉ែត្រ ដែលតភ្ជាប់ពីអាគារ TSCLK ទៅដល់មុខស្តូបរំលឹកវិញ្ញាណក្ខន្ធជនរងគ្រោះនៅកោះពេជ្រ ដោយឆ្លងកាត់ផ្លូវសំខាន់ៗមួយចំនួនដូចជា តាមបណ្តោយផ្លូវមុខរដ្ឋសភា នៅក្បែរអាគារ Naga World ឆ្ពោះទៅទីស្តីការក្រសួងការបរទេស ក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ។
បច្ចុប្បន្ន ដើម្បីអនុវត្តតាមការសម្រេចរបស់រាជរដ្ឋាភិបាលខាងលើ ក្រុមហ៊ុន តាន់ស្រ៊ីឆេនអ៊ីញ (ធី អេស ស៊ីអាយ) ក៏បានផ្តើមសាងសង់ និងបានហ៊ុំព័ន្ធការដ្ឋានសំណង់ដោយប្រើប្រាស់ចិញ្ចើមផ្លូវមួយភាគបី នៃផ្លូវ។
សេចក្តីជូនដំណឹងបន្តថា អាស្រ័យហេតុនេះ សូមបងប្អូនប្រជាពលរដ្ឋទាំងអស់ និងក្រសួងស្ថាប័នដែលប៉ះពាល់ ដោយសារការដ្ឋាននេះ មេត្តាយោគយល់អធ្យាស្រ័យ និងសហការដោយក្តីអនុគ្រោះ។
យោងតាមសេចក្តីជូនដំណឹងចុះថ្ងៃទី ០៤ ខែមីនា បានឲ្យដឹងថារាជរដ្ឋាភិបាលបានសម្រេចតាមរយៈលិខិតលេខ ៦៥០ សជណ ចុះថ្ងៃទី០២ ខែមិថុនា ឆ្នាំ២០១១ របស់ទីស្តីការគណៈរដ្ឋមន្ត្រី ប្រគល់សិទ្ធិជូនក្រុមហ៊ុន តាន់ស្រ៊ីឆេនអ៊ីញ (ធី អេស ស៊ីអាយ) ដើម្បីធ្វើការអភិវឌ្ឍន៍សាងសង់ផ្លូវក្រោមដីរួមមានហាងលក់ទំនិញ និងហាងលក់វត្ថុអនុស្សវរីយ៍ផេ្សងៗ។
ការសាងសង់ផ្លូវក្រោមដីនោះ មានបណ្តោយ ៤៤៧ម៉ែត្រ ទទឹង ២៣ម៉ែត្រ ដែលតភ្ជាប់ពីអាគារ TSCLK ទៅដល់មុខស្តូបរំលឹកវិញ្ញាណក្ខន្ធជនរងគ្រោះនៅកោះពេជ្រ ដោយឆ្លងកាត់ផ្លូវសំខាន់ៗមួយចំនួនដូចជា តាមបណ្តោយផ្លូវមុខរដ្ឋសភា នៅក្បែរអាគារ Naga World ឆ្ពោះទៅទីស្តីការក្រសួងការបរទេស ក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ។
បច្ចុប្បន្ន ដើម្បីអនុវត្តតាមការសម្រេចរបស់រាជរដ្ឋាភិបាលខាងលើ ក្រុមហ៊ុន តាន់ស្រ៊ីឆេនអ៊ីញ (ធី អេស ស៊ីអាយ) ក៏បានផ្តើមសាងសង់ និងបានហ៊ុំព័ន្ធការដ្ឋានសំណង់ដោយប្រើប្រាស់ចិញ្ចើមផ្លូវមួយភាគបី នៃផ្លូវ។
សេចក្តីជូនដំណឹងបន្តថា អាស្រ័យហេតុនេះ សូមបងប្អូនប្រជាពលរដ្ឋទាំងអស់ និងក្រសួងស្ថាប័នដែលប៉ះពាល់ ដោយសារការដ្ឋាននេះ មេត្តាយោគយល់អធ្យាស្រ័យ និងសហការដោយក្តីអនុគ្រោះ។
Categories:
ព័តមានជាតិ