ស្ត្រី
ម្នាក់កំពុងឈរយំដោយភ័យខ្លាចចំពោះសកម្មភាពរបស់ប្ដីនាងនោះបាន
និយាយឲ្យដឹងថា រូបនាងឈ្មោះ យាត ធី អាយុ២៧ឆ្នាំ ប្ដីរបស់នាងឈ្មោះ
វឿន វ័ន អាយុ២៣ឆ្នាំរស់នៅភូមិក្របៅ ឃុំក្របៅ ស្រុកកំចាយមា
ខេត្តព្រៃវែង។
កន្លងមកប្ដីរបស់នាងធ្លាប់បានធ្វើជាកម្មករនៅប្រទេសថៃ
បានមួយរយៈក៏ត្រឡប់មកផ្ទះវិញ
ហើយក៏បានបបួលនាងឲ្យទៅធ្វើការជាមួយនៅប្រទេសថៃកាលពី៨ថ្ងៃមុននេះ
ក្រោយមកក៏បាននាំគ្នាទៅសម្រាកក្នុងវត្តមួយនៅប៉ោយប៉ែតដើម្បី
រង់ចាំចេញទៅប្រទេសថៃ។
ប៉ុន្តែដោយប្ដីរបស់នាងត្រូវថ្នាំញៀនធ្វើទុក្ខនៅព្រឹកថ្ងៃទី៧
ខែមីនា ឆ្នាំ២០១៣
ពួកនាងក៏បានបបួលគ្នាជិះរថយន្តនីសាន់ពីប៉ោយប៉ែតត្រឡប់ទៅផ្ទះវិញ
ពេលធ្វើដំណើរតាមរថយន្តប្ដីរបស់នាងបានធ្វើទុក្ខដូចខ្មោចចូលខ្លួន
២ដងរួចមកហើយ។ លុះធ្វើដំណើរដល់លភូមិស្រែព្រីង
រថយន្តនីសាន់ក៏ទម្លាក់រូបនាងនិងប្ដីចោលនៅទីនេះតែម្ដង
ហើយបុរសជាប្ដីក៏បានវង្វេងស្មារតីស្រាតខោអាវអស់ទៅឈរកណ្ដាលថ្នល់
យកដបទឹកសុទ្ធគប់ឡានគេឯងពេញផ្លូវ។
នៅពេល
កើតហេតុសមត្ថកិច្ចនគរបាល និងអាវុធហត្ថបានជួយអន្តរាគមន៍សម្រួលចរាចរ
ហើយជាងកន្លះម៉ោងក្រោយមកបុរសញៀនថ្នាំបានស្លៀកពាក់ខោអាវវិញ
ប៉ូលិសក៏ដឹករូបគេនិងប្រពន្ធយកទៅសម្រាកនៅប៉ុស្ដិ៍
បន្ទាប់មកឲ្យរូបគេរករថយន្តជិះបន្តដំណើរទៅលំនៅដ្ឋាននៅខេត្តព្រៃវែង
វិញ៕
ថារិទ្ធ
Categories:
ព័តមានជាតិ