កូរ៉េខាងត្បូង នឹងទិញកាំជ្រួច Spike ចំនួន៦០គ្រាប់ ដែលទើបត្រូវបានអភិវឌ្ឍន៍ និងរថយន្តចល័ត២គ្រឿង សម្រាប់ដាក់ពង្រាយលើកោះ Bae Kngeong និង Yeonpyeong នៅខែក្រោយនេះ ។
ពួកអ្នកជំនាញការកូរ៉េខាងត្បូង បានអំពាវនាវឲ្យរដ្ឋាភិបាល ពិនិត្យផែនការនាំចូល កាំជ្រួចរបស់អ៊ីស្រាអែល ដែលមានតម្លៃ ៥៨ពាន់លាន Won បំណងវាយប្រហារចំៗគោលដៅ កាំភ្លើងធំតាមឆ្នេរសមុទ្រ កូរ៉េខាងជើង ។
ក្រុង Seoul បានមានបំណងទិញកាំជ្រួច Spike NLOS (Non Line of Sight) ភ្លាមៗតាំងពីកូរ៉េខាងជើង បានបាញ់ផ្លោងមកលើកោះ Yeonpyeong កាលពីខែ ១១/២០១០មកម្លេះ សំដៅមានប្រតិកម្មភ្លាមៗ និងប្រាកដមួយទៅលើការវាយលុករបស់កូរ៉េខាងជើង ដើម្បីជំនួសឲ្យកាំភ្លើងធំ K-9 ដែលមិនសមស្របនឹងភារៈកិច្ច ។
កម្លាំងទ័ពអាកាសប្រើយន្តហោះ F-15k ឬ KF-16 ពិតជាអាចកំទេចបានមូលដ្ឋានកាំភ្លើងធំរបស់កូរ៉េខាងជើងមែន តែវាត្រូវចំណាយពេលក្នុងប្រតិបត្តិការហោះហើរទៀត ។ ពោលគឺមិនវាយសងភ្លាមៗបាន ។
តំណាងរបស់ Rafael ឲ្យដឹងថា Spike NLOS អាចវាយប្រហារចំគោលដៅ ១០០% ក្នុងចម្ងាយ២៥km ។ ពោលគឺវាមានសមត្ថភាពបាញ់ចំគោលដៅទំហំប៉ុនបង្អួចផ្ទះ ។
Rafael នៅបានភ្ជាប់បន្ថែមកាមេរ៉ាលើកាំជ្រួច Spike ដើម្បីបង្កើនសមត្ថភាព វាយប្រហារគោលដៅនោះ ក្នុងបរិយាកាសបែបណា ហើយមិនថាយប់ ឬថ្ងៃឡើយ ។
វាអាចបាញ់បង្ហោះបាន ទាំងលើយន្តហោះ រថក្រោះ នាវា ឬផ្ទៃដី ព្រមទាំងមានអមដោយឧបករណ៍ស្វែងរកគោលដៅ ប្រើកាំភ្លើង Infrared ។
វាអាចបាញ់ពីលើយន្តហោះ ផ្ទៃដី
បាញ់ចេញពីនាវា
បាញ់ចេញពីរថយន្តចល័ត
វាយបំបាំងកាយ
Categories:
ព័តមានអន្តរជាតិ