ហេតុការណ៍
គ្រោះថ្នាក់ចរាចរដ៏គួរឲ្យរន្ធត់នេះ បានកើតឡើងកាលពីវេលាម៉ោង២៣
និង២៥នាទីយប់ថ្ងៃទី៥ ខែមីនា ឆ្នាំ២០១៣
ត្រង់ចំណុចលើស្ពានគីហ្សុណា ចន្លោះបង្គោលB១១ និងB១២ ស្ថិតក្នុង ភូមិ ទន្លេបិទ ឃុំទន្លេបិទ ស្រុកត្បូងឃ្មុំ ខេត្តកំពង់ចាម។
លោក
អនុសេនីយ៍ឯក សូ សារ៉ាត់
អធិការរងទទួលបន្ទុកសណ្ដាប់ធ្នាប់ស្រុកត្បូងឃ្មុំ បានឲ្យដឹងថា
អ្នកបើកបរម៉ូតូស្កូពី ពណ៌ផ្កាឈូក មានឈ្មោះ ភឿន សុភត្រា ភេទប្រុស
អាយុ២០ឆ្នាំ រស់នៅភូមិត្រពាំងចារ ឃុំក្រឡា ស្រុកកំពង់សៀម
ខេត្តកំពង់ចាម និងអ្នករួមដំណើរ ឈ្មោះ នួន ចាន់នី ភេទស្រី
អាយុ១៩ឆ្នាំ រស់នៅភូមិពោធិ៍ស្រុក ឃុំកោងកាង ស្រុកពញាក្រែក
ខេត្តកំពង់ចាម។ លោកអធិការរងបន្តថា
បើតាមការសន្និដ្ឋានរបស់សមត្ថកិច្ចទំនងជាអ្នកបើកម៉ូតូគេច
ឬបើកវ៉ាជែងរថយន្ត
ក៏រេចង្កូតដួលជាហេតុបណ្ដាលឲ្យរថយន្តធំដែលកំពុងធ្វើដំណើរស្រប
ទិសគ្នា (ពីលិចទៅកើត ពីកំពង់ចាមទៅទន្លេបិទ) បើកកិនតែម្តង ទើបបណ្ដាលឲ្យអ្នកទាំងពីរស្លាប់ភ្លាមៗនៅនឹងកន្លែងកើតហេតុ។
លោក
បានបញ្ជាក់ទៀតថា អ្នកបើកបរម៉ូតូជាកម្មករធ្វើរថយន្តនៅហាងឈ្មោះ
ហ៊ាង និងអ្នករួមដំណើរស្រីនោះ ជាអ្នករត់តុគុយទាវ នៅហាង តារ៉េន
ហើយហាងទាំងពីរនៅជិតគ្នាគឺស្ថិតនៅបណ្តោយផ្លូវថ្មីដូចគ្នា។
ក្រោយពេលកើតហេតុសាកសពទាំង២នាក់ត្រូវរថយន្តសាមុយរបស់មន្ទីរពេទ្យ
៧ដេរ យកទៅរក្សាទុក
រួចធ្វើការប្រគល់ឲ្យក្រុមគ្រួសារដើម្បីយកទៅធ្វើបុណ្យទៅតាម
ប្រពៃណី។
ដោយឡែក
រថយន្តធំបង្កដែលព្យាយាមបើកគេចទៅទិសខាងកើត
ត្រូវកម្លាំងសមត្ថកិច្ចកំពុងធ្វើការតាមដានស្រាវជ្រាវតាមផ្លូវជាតិ
លេខ៧រហូតដល់ស្ពានដែកតែពុំទាន់រកឃើញនៅឡើយ៕
សាន វិឡែម
Categories:
ព័តមានជាតិ