ភ្នំពេញ៖ បុរសម្នាក់ ជិះម៉ូតូលឿនពេក ទៅបុកទ្វាររថយន្តខាងឆ្វេង បណ្តាលឲ្យដួលបោកនឹងរថយន្តរងរបួសធ្ងន់ ។
គ្រោះថ្នាក់នេះ កើតឡើងនៅវេលាម៉ោង១ និង២០ នាទីរំលងអធ្រាត្រឈានចូលថ្ងៃទី៤ មីនា នៅចំណុចផ្លូវកែង១១៣កែង៣៦០ ក្នុងសង្កាត់បឹងកេងកងទី៣ ខណ្ឌ ចំការមន ។
សាក្សីឃើញហេតុការណ៍ បានឲ្យដឹងថា ម៉ូតូស៊ុយស៊ូគីនិច ពណ៌ស ជិះម្នាក់ឯង តាមផ្លូវលេខ១១៣ ពីជើងទៅត្បូង ចំណែករថយន្តម៉ាក ACURA ពណ៌ប្រផេះ ជិះគ្នា២នាក់ ជាជនជាតិបរទេស តាមលេខ៣៦០ ពីលិចទៅកើត ខណៈមកដល់ចំណុចផ្លូវកែង ម៉ូតូជិះលឿនពេក ជ្រុលទៅបុកទ្វាររថយន្តខាងឆ្វេង បណ្តាលឲ្យដួលបោកនឹងរថយន្តរងរបួសធ្ងន់ ។
ក្រោយពេលកើតហេតុ ជនរងគ្រោះ ត្រូវរថយន្តសង្គ្រោះដឹកយកទៅព្យាបាល នៅមន្ទីរពេទ្យមិត្តភាពខ្មែរសូវៀត ។ ចំណែកម៉ូតូ និងរថយន្តជនជាតិបរទេស ត្រូវសមត្ថកិច្ចធ្វើការវាស់វែង យកទៅរក្សាទុក នៅការិយាល័យនគរបាលចរាចរណ៍ផ្លូវគោក ៕
Categories:
ព័តមានជាតិ