សៀមរាប
៖ កាលពីវេលាម៉ោង ២ និង ២៥នាទី ឈានចូលថ្ងៃទី២៧ កុម្ភៈ ឆ្នាំ២០១៣
ក្រុមសមត្ថកិច្ចរដ្ឋបាលព្រៃឈើ សៀមរាប
សហការជាមួយសមត្ថកិច្ចកងរាជអាវុធហត្ថ នគរបាលខេត្ត ស្រុក និង
ផ្នែកសឹករងស្រុកពួក ព្រមទាំងនគរបាល
នាយកដ្ឋានប្រឆាំងបទល្មើសសេដ្ឋកិច្ចនៃក្រសួងមហាផ្ទៃ ដែលដឹកនាំដោយលោក
ទី សុវិនថាល់ ព្រះរាជអាជ្ញាអមសាលា ដំបូងខេត្តសៀមរាប
បានចុះបង្ក្រាបបានទាន់ពេលវេលានូវបទល្មើសដឹកជញ្ជូនឈើគ្រញូង
ខុសច្បាប់ នៅលើកំណាត់ផ្លូវ ជាតិលេខ៦ ស្ថិតនៅចំណុចភូមិទួលរវៀង
ឃុំល្វា ស្រុកពួក ខេត្តសៀមរាប ។
តាម
ការបញ្ជាក់របស់មន្ត្រីសមត្ថកិច្ចរដ្ឋបាលព្រៃឈើ បានឲ្យដឹកថា
នៅពេលដែលមន្ត្រីខ័ណ្ឌរដ្ឋបាលព្រៃឈើ សៀមរាប
បានចុះល្បាតបង្ក្រាបបទល្មើសព្រៃឈើ តាមបណ្តោយផ្លូវជាតិលេខ៦
ក៏បានជួបប្រទះរថយន្ត ០១គ្រឿង ម៉ាក ហ៊ីណូ ចង្កូតស្តាំ ពណ៌ខៀវ
ពាក់ស្លាកលេខ បាត់ដំបង ៣A ០៧១៥
ដែលធ្វើដំណើរមកពីទិសខាងលិច ឆ្ពោះទៅកាន់ក្រុង សៀមរាប
ដោយឈប់ចតនៅចំណុចភូមិទួលរវៀង ឃុំល្វា ស្រុកពួក
ដោយរថយន្តនោះបែកប៉ាដាងកង់ មិន អាចបន្តដំណើរទៅមុខមិនរួច
បណ្តាលមកពីការផ្ទុកលើសទម្ងន់ ហើយត្រូវធ្វើការជួសជុល ។
តែដោយមានការសង្ស័យ របស់ ក្រុមសមត្ថកិច្ចខ័ណ្ឌរដ្ឋបាល ព្រៃឈើ
ក៏បានសហការជាមួយសមត្ថកិច្ចកងរាជអាវុធហត្ថ នគរបាលខេត្ត ស្រុក និង ផ្នែក
សឹករងស្រុកពួក ព្រមទាំង
នគរបាលនាយកដ្ឋានប្រឆាំងបទល្មើសសេដ្ឋកិច្ចនៃក្រសួងមហាផ្ទៃ និង
ការអនុញ្ញាតពីព្រះរាជ អាជ្ញាផងនោះ
សមត្ថកិច្ចបានធ្វើការត្រួតពិនិត្យ និង ឆែកឆេរ
ក៏បានប្រទះឃើញឈើក្រញូងជាច្រើនដុំ ដាក់នៅពីលើ បន្ទះម្នាងសិលា ដោយ
គ្របតង់ពីលើ ហើយនៅពេលដែលសមត្ថកិច្ចកំពុងធ្វើការត្រួតពិនិត្យ
ដោយមិនបានប្រុង ប្រយ័ត្នផងនោះ បានធ្វើឲ្យអ្នកបើកបរ និង ព្រូរថយន្ត
បានរត់គេចខ្លួនបាត់ពីកន្លែងរថយន្តបាត់ស្រមោលតែម្តង ។ សូម
បញ្ជាក់ថា រថយន្តនេះមានផ្ទុកទំនិញ
គ្រឿងសំណង់យកទៅដាក់ឲ្យក្រុមហ៊ុនណាមួយនៅក្រុងសៀមរាប ។
តែនេះជាការ ឆ្លៀតឱកាសរបស់អ្នកបើកបររថយន្ត
ដោយស្មានថាក្រុមសមត្ថកិច្ចមិនចាប់អារម្មណ៍ពីការផ្ទុកទំនិញរបស់
ខ្លួន។
ក្នុងការត្រួតពិនិត្យនោះ សមត្ថកិច្ចបានពិនិត្យឃើញមានឈើគ្រញូង ចំនួន ១៨៥ដុំ ដែលឈើបន្ទះៗ មាន ប្រវែង ០,៧០ម ទៅ ១,០០ម មានកម្រាស់ ពី០,០៤ម ទៅ ០,០៧ម
បានដាក់តម្រៀបនៅពីលើបន្ទះម្នាងសិលា
ហើយត្រូវបានសមត្ថកិច្ចធ្វើកំណត់ហេតុ ដើម្បីបញ្ជូនទាំងរថយន្ត និង
វត្ថុតាង ទៅរក្សាទុកនៅស្ថានីយ៍ថ្នាល បណ្តុះកូនឈើ
របស់ខ័ណ្ឌរដ្ឋបាលព្រៃឈើសៀមរាប នៅភូមិកំព្រំ ឃុំឃុនរាម
ស្រុកបន្ទាយស្រី ដើម្បីរង់ចាំឲ្យម្ចាស់ រថយន្តចូលខ្លួនមក
ដោះស្រាយចំពោះមុខច្បាប់ផងដែរ ៕
Categories:
ព័តមានជាតិ