ភ្នំពេញ៖ អគ្គិភ័យបានឆាបឆេះសណ្ឋាគារញូវយ៉ក ស្ថិតតាមបណ្តោយផ្លូវព្រះមុនីវង្ស ក្នុងសង្កាត់បឹងរាំង ខណ្ឌដូនពេញ នាវេលាម៉ោង ១២ និង៣០នាទី រំលងអាធ្រាត្រឈានចូលថ្ងៃទី១៩ ខែកុម្ភៈ ឆ្នាំ២០១៣ តែត្រូវបានជួយបាញ់ពន្លត់ទាន់ពេលវេលា មិនបណ្តាលឲ្យខូចខាតធ្ងន់ធ្ងរនោះទេ។
យោងតាមប្រភពពីសមត្ថកិច្ចបានឲ្យដឹងថា អគ្គិភ័យបានឆាបឆេះនៅជាន់ទី៧ នៃអគារសណ្ឋាគារ ជាហេតុធ្វើឲ្យ មានការលំបាកក្នុងការជួយអន្តរាគមន៍ ព្រោះទុយោបាញ់មិនដល់ តែដោយសារកិច្ខខិតខំប្រឹងប្រែងរបស់មន្រ្តីពន្លត់អគ្គិភ័យ បានយកទុយោទឹកតនិងបាញ់ពន្លត់ ការឆាបឆេះនេះទៅវិញទាន់ពេលវេលា គឺនៅវេលាម៉ោង ប្រមាណ១២ និង៤៥នាទីរំលង អាធ្រាត្រ ពោលតែជាង១០នាទីប៉ុណ្ណោះក្រោយពេលកើតហេតុ។
តាមការសន្និដ្ឋានជាជំហានដំបូងរបស់សមត្ថកិច្ច អគ្គិភ័យនេះ អាចបណ្តាលមកទុស្សេចរន្តអគ្គិសនី។ តែជាសំ ណាងល្អ មិនបង្កឲ្យមានការខូចខាតធ្ងន់ធ្ងរនោះទេ គឺឆេះតែគ្រែ និងពូកបន្តិបន្តួចប៉ុណ្ណោះ។ តែអ្វីដែលគួរឲ្យកត់ សម្គាល់នោះ គឺភ្ញៀវជាជនបរទេសជាច្រើននាក់ បានភ័យស្លន់ស្លោដាច់ដំណេកទាំងកណ្តាលរាត្រី៕
ភ្នំពេញ: សណ្ឋាគារ ញូវយ៉ក ត្រូវបានភ្លើងឆេះយ៉ាងសន្ធោសន្ធៅ នៅជាន់ទី៨ កាលពីវេលាម៉ោង១២និង២០នាទីរំលងអធ្រាត្រឈានចូលថ្ងៃទី១៩ខែកុម្ភៈ ឆ្នាំ២០១៣ នៅតាមបណ្តោយផ្លូវព្រះមុនីវង្ស សង្កាត់បឹងរាំង ខណ្ឌដូនពេញ។
ភ្នំពេញ: សណ្ឋាគារ ញូវយ៉ក ត្រូវបានភ្លើងឆេះយ៉ាងសន្ធោសន្ធៅ នៅជាន់ទី៨ កាលពីវេលាម៉ោង១២និង២០នាទីរំលងអធ្រាត្រឈានចូលថ្ងៃទី១៩ខែកុម្ភៈ ឆ្នាំ២០១៣ នៅតាមបណ្តោយផ្លូវព្រះមុនីវង្ស សង្កាត់បឹងរាំង ខណ្ឌដូនពេញ។
Categories:
ព័តមានជាតិ