ក្រុង កេតតាៈ
ចំនួនអ្នកស្លាប់ពីការវាយប្រហារដោយគ្រាប់បែកដ៏បំផ្លិចបំផ្លាញលើ
មូស្លីមនិកាយស៊ីអ៊ីតនៅប៉ាគីស្ថានភាគនិរតីបានឡើងដល់៨១នាក់
ខណៈសហគមន៍នេះ
គំរាមធ្វើការតវ៉ាបើសិនជាគេមិនចាត់វិធានការឆាប់រហ័ស
ប្រឆាំងនឹងក្រុមឃាតកទេ។
គ្រាប់បែកដែលផ្ទុកគ្រឿងផ្ទុះជិតមួយតោន
ដែលគេបង្កប់ក្នុងស៊ីទែនទឹករថយន្តមួយគ្រឿង
បានផ្ទុះបំផ្លាញផ្សារដ៏មមាញឹកមួយនៅទីប្រជុំជនហាហ្សារា
តំបន់ដែលមាននិកាយស៊ីអ៊ីតភាគច្រើននា
ជាយក្រុងកេតតារដ្ឋធានីនៃខេត្ត
បាលូជីស្ថានកាលពីក្បាលព្រលប់ថ្ងៃសៅរ៍ចុងសប្តាហ៍មុន។
លោក Wazir Khan Nasir មន្រ្តីប៉ូលិសជាន់ខ្ពស់បានប្រាប់ AFP
ថាចំនួនអ្នកស្លាប់ពីការផ្ទុះដែលបានឡើងដល់៨១នាក់រីឯ១៧៨នាក់
ទៀត បានរងរបួសនិងបានបំផ្លាញអគារកម្ពស់ពីរជាន់នៅក្បែរនោះមួយ។
ខេត្តបាលូជីស្ថានកាន់តែក្លាយជាចំណុចអំពើហិង្សាមួយសម្រាប់
អំពើហិង្សានិកាយកើនឡើង រវាង
មូស្លីមនិកាយស៊ុននីភាគច្រើនរបស់ប៉ាគីស្ថាន និងនិកាយស៊ីអ៊ីត
ដែលមានប្រមាណ១/៥នៃពលរដ្ឋ១៨០លាននាក់នៃប្រទេសនេះ។
នេះគឺជាការវាយប្រហារធំទីពីរលើនិកាយស៊ីអ៊ីតនៅក្រុងកេតតា ក្នុងឆ្នាំនេះ បន្ទាប់ពីការបំផ្ទុះគ្រាប់បែកអត្តឃាតពីរក្នុងក្លិបស្នូកឃើរនៅ ក្រុងនេះកាលពីថ្ងៃទី១០មករា ដែលបានសម្លាប់មនុស្សយ៉ាងតិច៩២នាក់ ជាការវាយប្រហារដែលមានមនុស្សស្លាប់ច្រើនបំផុតលើសហគមន៍នេះនៅ ប៉ាគីស្ថាន។
ប្រធានគណបក្សប្រជាធិបតេយ្យហាហ្សារ៉ា លោកអាហ្វីហ៊្សូឡះហា ហ្សារ៉ា កាលពីថ្ងៃអាទិត្យបានទុកពេល៤៨ម៉ោងឲ្យអភិបាលខេត្តនេះចាប់ផ្តើម ប្រតិបត្តិការគោលដៅប្រឆាំងនឹងក្រុមឃាតក បើមិនដូច្នោះទេ ពួកគេនឹងចាប់ផ្តើមតវ៉ា។
ស្នងការខេត្តលោក Akbar Hussain Durrani បាននិយាយថាអ្នកស្លាប់ និងអ្នករបួស រួមមានស្រ្តី និងក្មេងៗ បន្ទាប់ពីត្រូវទាញចេញពីក្រោមគំនរបាក់បែក។
