ព្រះវិហារ
៖ នៅវេលាម៉ោង៤និង៣៥នាទីព្រឹកថ្ងៃទី២០ ខែកុម្ភៈ
ឆ្នាំ២០១៣ស្ថិតនៅជាប់រង្វង់មូលក្នុងភូមិស្រអែម ឃុំស្រអែម
ស្រុកជាំក្សាន្ដ
ខេត្តព្រះវិហារមានកើតហេតុការណ៍អគ្គិភ័យបង្កទ្បើងដោយផ្ទុះកំប៉ុង
ហ្គាស៍បណ្ដាលឲ្យភ្លើងឆាបឆេះបំផ្លាញផ្ទះសំណាក់កម្ពស់២ជាន់សង់ពី
បេតុងនិងឈើដែលមានបើកហាងលក់បាយហើយអគ្គិភ័យផ្ដើមចេញពីហាងលក់បាយ
នេះតែម្ដង។
ហេតុការណ៍
អគ្គិភ័យនេះបានឆេះរាលដាលសន្ធោសន្ធៅលេបត្របាក់បំផ្លាញផ្ទះ
ប្រជាពលរដ្ឋក្បែរខាងអស់ចំនួន៧ខ្នងទៀត
ព្រោះតែសង់ជាប់គ្នាដូចម្រាមដៃ។
សំណាងល្អពុំមានគ្រោះថ្នាក់ដល់អាយុជីវិតមនុស្សនោះទេ
ប៉ុន្តែបានកាត់ផ្ដាច់សេវាចែកចាយចរន្តអគ្គិសនីនៅទូទាំងតំបន់ស្រអែម
ព្រោះឆេះត្រង់ស្វូធំបញ្ជូនចរន្តអគ្គិសនី។
ហេតុការណ៍
នេះធ្វើឲ្យមានការភ្ញាក់ផ្អើលដល់ប្រជាពលរដ្ឋរស់នៅជុំវិញតំបន់
ស្រអែមដែលកំពុងតែដេកលង់លក់ស្កប់ស្កល់ពេញមួយរាត្រី។
ភ្លាមៗនោះរថយន្តពន្លត់អគ្គិភ័យចំនួន២គ្រឿងរបស់ទីបញ្ជាការដ្ឋាន
អង្គរក្សនិងទីស្នាក់ការក្រុមការងារពិសេសថ្នាក់ជាតិនៅតំបន់៩៥បាន
មកជួយអន្តរាគមន៍ទាន់ពេលវេលាបាញ់ទឹកពន្លត់សរុបជាង១០រថយន្តជា
លទ្ធផលអណ្ដាតភ្លើងបានរលត់អស់ទៅវិញ
ហើយជាសំណាងល្អណាស់ដែលអគ្គិភ័យមិនបានឆេះរាលដាលដល់ផ្ទះជាច្រើនខ្នង
ទៀត។
អាជ្ញាធរ
មូលដ្ឋានបានឲ្យដឹងថាម្ចាស់ផ្ទះសំណាក់រងគ្រោះដោយអគ្គិភ័យមានឈ្មោះ
សុងខាបានជួលឲ្យឈ្មោះចាបផៃបើកហាងលក់បាយ
ដោយសារតែម្ចាស់ហាងលក់បាយមានការធ្វេសប្រហែសធ្វើឲ្យមានផ្ទុះកំប៉ុង
ហ្គាស៍ភ្លាមនោះភ្លើងបានឆាបឆេះដំបូលប្រក់ស្បូវខ្លាំងទ្បើងរួច
បន្ដឆេះរាលដាលសន្ធោសន្ធៅលេបត្របាក់និងបំផ្លាញផ្ទះសរុបអស់ចំនួន៨
ខ្នងក្លាយទៅជាគំនរផេះ។
ប្រភព
ព័ត៌មានពីអាជ្ញាធរដដែលបានបន្ដទៀតថានៅក្នុងចំណោមផ្ទះរងគ្រោះដោយ
អគ្គិភ័យទាំង៨ខ្នងឃើញមាន១ខ្នងជារបស់ឈ្មោះហួតផល្លាភេទប្រុស
អាយុ៤៦ឆ្នាំជាថៅកែសិប្បកម្មកែច្នៃឈើប្រណីតនិងលក់គ្រឿងសង្ហារឹម
ប្រណីតគ្រប់ប្រភេទព្រមទាំង
បើកសេវាវេរលុយត្រូវបានរងគ្រោះធ្ងន់ធ្ងរជាងគេគឺអគ្គិភ័យឆេះ
បំផ្លាញទ្រព្យសម្បត្តិមានតម្លៃសរុបអស់ចំនួន២៥ម៉ឺនដុល្លារអាមេរិក។
អាជ្ញាធរ
មូលដ្ឋានបានធ្វើការស្រង់លទ្ធផលទំហំនៃការខូចខាតបាត់បង់ទ្រព្យ
សម្បត្តិមានតម្លៃអស់រយៈពេលពេញ១ថ្ងៃទី២០ខែកុម្ភៈ
ឆ្នាំ២០១៣ពីម្ចាស់ផ្ទះរងគ្រោះដោយអគ្គិភ័យទាំង៨ខ្នងស្មើ១០គ្រួសារ
បានឲ្យដឹងថា សរុបមានចំនួនជាង៣៧ម៉ឺនដុល្លារអាមេរិក។
ប្រជាពលរដ្ឋ
រស់នៅជិតកន្លែងកើតហេតុបាននិយាយថាផ្ទះរងគ្រោះទាំង៨ខ្នងរួមមាន
ផ្ទះសំណាក់ហាងលក់បាយជាងជួសជុលម៉ូតូហាងសំអាងមង្គលការកន្លែង
កាត់សក់ផ្ទះពេទ្យនិងហាងលក់ទូរស័ព្ទ។
នៅ
ព្រឹកថ្ងៃទី២០ ខែកុម្ភៈ
ឆ្នាំ២០១៣សមត្ថកិច្ចនគរបាលមូលដ្ឋានបានកោះហៅម្ចាស់ហាងលក់បាយ
បង្កហេតុមកសាកសួរដើម្បីកសាងសំណុំរឿងចាត់ការទៅតាមផ្លូវច្បាប់៕
Categories:
ព័តមានជាតិ