រាជធានីភ្នំពេញ ៖ រថយន្តម៉ាកសាំយ៉ុង ប្រភេទទេសចរណ៍
១២កៅអី ពណ៌ទឹកប្រាក់ពាក់ ស្លាកលេខ ភ្នំពេញ 2O-5724 មួយគ្រឿង
បានបើកបោះពួយបុក និងកិនម៉ូតូឆាលីពណ៌ស មានស្លាកលេខ ភ្នំពេញ 1B-1039
មួយគ្រឿងជាប់ពីក្រោម ទាំងព្រឹកបណ្តាលឱ្យសិស្សស្រីម្នាក់រងរបួសធ្ងន់
បញ្ជូនទៅមន្ទីរពេទ្យព្រះកុសុមៈ កាលពីវេលាម៉ោង ៦ និង ៤០នាទីព្រឹក ថ្ងៃទី១៥
កុម្ភៈ នៅមុខស្ថានីយប្រេងឥន្ធនៈកាល់តិច តាមវិថីម៉ៅសេទុង កែងផ្លូវលេខ២០២
ក្នុងសង្កាត់ទឹកល្អក់ទី៣ ខណ្ឌទួលគោក ។
យុវតីរងគ្រោះឈ្មោះឡី សុមាវតី អាយុ១៥ឆ្នាំ
មានលំនៅសង្កាត់បឹងសាឡាង ខណ្ឌទួលគោក
រងរបួសជើងឆ្វេងត្រូវរថយន្តបញ្ជូនទៅមន្ទីរពេទ្យព្រះកុសុមៈ
។តាមព័ត៌មានឱ្យដឹងថា នៅព្រឹកកើតហេតុនោះរថយន្តម៉ាកសាំយ៉ុងប្រភេទទេសចរណ៍ពណ៌
ទឹកប្រាក់មួយគ្រឿងបើកតាមវិថីម៉ៅសេទុងពីត្បូងទៅជើង ។
ពេលធ្វើដំណើរមកដល់ចំណុចខាងលើបានបើកបត់
ឆ្វេងតាមផ្លូវលេខ២០២ ជ្រុលបុកម៉ូតូឆាលីពណ៌សមួយគ្រឿងដែលធ្វើដំណើរតាមផ្លូវលេខ
២០២ពីលិចទៅកើតខ្វែងទិសគ្នាហើយកិនម៉ូតូជាប់ពីក្រោមអូស
ប្រមាណជា២ម៉ែត្របណ្តាលឱ្យសិស្សស្រីម្នាក់រងរបួសធ្ងន់ បញ្ជូនទៅមន្ទីរពេទ្យ ។
បន្ទាប់ពីបង្កគ្រោះថ្នាក់អ្នកបើករថយន្តបានគេចខ្លួនបាត់់ ។
រថយន្តនិងម៉ូតូត្រូវប៉ូលិសចរាចរខណ្ឌទួលគោកបញ្ជូនទៅអធិការ
ដ្ឋានដោះស្រាយតាមច្បាប់ ៕
Categories:
ព័តមានជាតិ