ភ្នំពេញ : ក្រោយពីបង្ហាញខ្លួនយ៉ាងគ្រហើជាមួយ
សម្រស់ដើមទ្រូងស្អាតចែស
បន្សាបអស់ព័ត៌មានចចាមអារ៉ាមដែលថាជំងឺមហារីកសុដន់
នាំឲ្យស្រីស្រស់កញ្ញា វ៉ាង ស្រីណូ លាក់មុខពីមហាជននោះ
តារាគ្រងតំណែងសិចស៊ីច្រើនជំនានរូបនេះក៏កំពុងតែត្រៀមដំណើរដឹក
ដៃប្រុសសង្ហាសាច់សដូចពងមាន់បកល្បីដូរដៃគួញឹកញាប់លោក អេឡិច
ច័ន្ទត្រាចេញទៅសម្តែងនៅប្រទេសកាណាដា ក្នុងពេលឆាប់ៗនេះផងដែរ។
តារាដែលទើបជម្រះព័ត៌មានមហារីកសុដន់រូបនេះ
បានអះអាងដោយភាពមុតមាំថា៖
«ពេលឆាប់ៗនេះខ្ញុំនឹងចេញទៅសម្តែងនៅប្រទេសកាណាដា
ដោយរួមដំណើរជាមួយនឹងលោក អេឡិច ច័ន្ទត្រា។
យ៉ាងណាក៏ដោយដំណើរស្រីស្រស់កូនកាត់បីសាសន៍ វ៉ាង ស្រីណូ
ដឹកដៃប្រុសសង្ហាសម្បូរមន្តស្នេហ៍ អេឡិច
ច័ន្ទត្រាទៅសម្តែងនៅប្រទេសកាណាដានោះ នៅមិនទាន់ដឹងថា
ត្រូវចាកចេញទៅនៅពេលណាជាក់លាក់នោះទេដោយនាងនិយាយថា៖
«ព័ត៌មាននេះខ្ញុំមិនចង់ប្រកាសឲ្យមហាជនដឹងពីចម្ងាយឡើយចាំដល់
ថ្ងៃទៅតែម្តង»។
បើទោះជានាងនិយាយបែបចុងមាត់ចុងកយ៉ាងនេះក្តី ប៉ុន្តែ វ៉ាង
ស្រីណូ
ក៏បានអះអាងផងដែរថា៖«ដំណើរចេញទៅសម្ដែងក្រៅប្រទេសកាណាដាជាមួយ
អេឡិច ច័ន្ទត្រា
នៅតែថ្ងៃរៀបវ៉ាលិសចេញដំណើរប៉ុណ្នឹងទេអ្វីៗខាងស្ពុនស័រគេរត់
ការឯកសារគ្រប់អស់ហើយ»។
ជាមួយនឹងចេតនាបង្ហាញការធ្វើដំណើរបែបលាក់លៀមនោះតារាសម្តែង
ដែលឃ្លាតរយាលពីសង្វៀនសិល្បៈក្រោមព្យុះរឿងអាស្រូវពីមួយទៅមួយ
កញ្ញា វ៉ាង ស្រីណូ
ក៏បានប្រកាសពីជំហររបស់នាងក្នុងការប្រឡូកក្នុងវិស័យនេះវិញដែរ
ដោយនាងបញ្ជាក់យ៉ាងម៉ាត់ៗថា៖
«កាលដែលខ្ញុំសម្រេចចិត្តវិលមកចូលសិល្បៈវិញក្រោយសម្ពាធព័ត៌មាន
ដ៏ក្តៅគគុកដែលគេថាខ្ញុំ
មានជំងឺមហារីកសុដន់នោះមិនមែនមានបំណងត្រឹមតែបង្ហាញពីភាពស្អាត
ស្អំថាខ្ញុំមិនមានកើតជំងឺមហារីកស្អីគេនោះទេ
តែខ្ញុំក៏មានចេតនាស្វែងរកការគាំទ្រមុនចេញដំណើរទៅសម្តែងនៅ
ក្រៅប្រទេសផងដែរ»។
នាងនិយាយបន្តថា៖
«មុននេះខ្ញុំដូចជារងនូវព័ត៌មានខកចិត្តច្រើនណាស់ខណៈដែលមាន
ព័ត៌មានមិនចប់មិនហើយពីរឿងថាខ្ញុំនេះបន្តិចមានគេចិញ្ចឹមជា
អ្នកមាននិងមួយទៀតថាខ្ញុំកើតមានជំងឺមហារីកសុដន់និងចេញចូលទៅ
ព្យាបាលនៅវៀតណាមញឹកញាប់នោះ»។
នាងបានបញ្ជាក់ថា៖
«ជំងឺមហារីកសុដន់ស្អីគេហ្នឹងជាជំងឺដ៏កាច់សាហាវណាស់បើកើតនិង
វះកាត់យ៉ាងណាក៏មិនអាចព្យាបាលក្នុងពេលដ៏ខ្លីទេ
ហើយក៏មិនបានស្អាតស្អំដែរតែនេះខ្ញុំដូចបងប្អូនឃើញស្រាប់ហើយ
ថា ខ្ញុំគ្មានមួយតួខ្លួនណាត្រូវវះកាត់ចេញនោះទេ»។
នាងបន្ថែមទាំងបញ្ចើចថា៖ «សព្វថ្ងៃមួយតួខ្លួនខ្ញុំមិនបានកាត់សាច់ណាមួយដុំចេញទេមានតែប៉ះប៉ូវបន្ថែម»។
គួររំឭកដែរថា វ៉ាង ស្រីណូ
ធ្លាប់ជាតារាសម្តែងដែលសិចស៊ីល្បីល្បាញមួយរូប។នាងធ្លាប់ថតឈុត
ផ្សព្វផ្សាយពាណិជ្ជកម្មយ៉ាងច្រើនទាំងផលិតផលកែសម្ជស្ស
និងផលិតផលផ្សេងៗទៀត តែក្រោយពីពើបប្រទះរឿង
អាស្រូវមួយប្រាវប្រជាប្រិយភាព
នាងហាក់ធ្លាក់ចុះយ៉ាងគំហុកដល់ថ្នាក់គេព្យាករថាតំណែងនាងឈរជើង
លែងបាននៅលើវិថីសិល្បៈដែលពោរពេញការប្រកួតប្រជែងនោះទៀតហើយ។
ប៉ុន្តែយ៉ាងណាក៏ស្រីស្រស់គ្រងតំណែងសិចស៊ីច្រើនជំនាន់នេះមិន
លេចឮពីព័ត៌មានស្តីពីវិបត្តិសេដ្ឋកិច្ចក្នុងគ្រួសារនាងឡើយខណៈ
បច្ចុប្បន្ននាងក៏ជាថៅកែហាងមួយរូបដែរក្រៅពីអាជីពលើឆាកនោះ។
នាងប្រាប់ថា៖
«ជីវិតលើវិថីសិល្បៈបើទោះយ៉ាងណាខ្ញុំមិនដើរចេញនោះទេ
ក្នុងកាលៈទេសៈនេះ ព្រោះថាសិល្បៈនេះ
ក្រៅពីនាំរូបកាយដ៏ផូរផង់ខ្ញុំជួបរឿងអាស្រូវជាច្រើននោះខ្ញុំ
ក៏មានអ្វីគ្រប់បែបយ៉ាងពេលនេះក៏ដោយសារសិល្បៈដែរ»។
ជាមួយការបង្ហើបនូវមោទនភាពនោះដែរ
ស្រីស្រស់វ័យម្ភៃក្រាស់រូបនេះក៏បាននិយាយយ៉ាងច្បាស់ៗថា៖
«ខ្ញុំមានសិល្បៈយឹតយោងបានជោគជ័យគ្រប់បែបយ៉ាងតែខ្ញុំក៏មិន
បានយកសិល្បៈធ្វើជាខែលដែរ។
មួយរយៈដែលខ្ញុំមិនសូវមានវត្តមានក្នុងសិល្បៈនេះគឺមកពីតម្លៃ
ខ្លួនក្នុងការសម្តែងមិនសូវត្រូវទើបបានជាចេះតែឃ្វាងៗទៅ»។
វ៉ាង ស្រីណូ បានបញ្ជាក់ថា៖ «ទើបតែដើមឆ្នាំ២០១៣នេះ
ខ្ញុំមានហុងស៊ុយមានស្ពុនស័រមួយក៏ត្រូវថ្លៃនិងបានចេញទៅសម្តែង
តែម្តង»៕
