ភ្នំពេញ
៖
បុរសរត់ម៉ូតូឌុបម្នាក់ត្រូវបានក្រុមចោរមានបក្ខពួក៣នាក់ជិះ
ម៉ូតូវីវ៉ា១គ្រឿងមកស្ទាក់ព្រួតគ្នាវាយឡើងហើមមុខមាត់
របួសពេញខ្លួនប្លន់យកម៉ូតូទៅបាត់ដោយសុវត្ថិភាព
ខណៈបុរសរងគ្រោះកំពុងជិះម៉ូតូតាមបណ្ដោយផ្លូវជាតិលេខ៥។
ហេតុការណ៍
នេះបានកើតឡើងកាលពីវេលាម៉ោង១២និង៤៥នាទីយប់ឈានចូលថ្ងៃទី២៨
ខែកុម្ភៈ ឆ្នាំ២០១៣ នៅតាមបណ្ដោយផ្លូវជាតិលេខ៥
ចំណុចមុខរោងចក្រគ្លីនិកភូមិផ្សារតូច សង្កាត់ទួលសង្កែ ខណ្ឌឫស្សីកែវ
រាជធានីភ្នំពេញ។
សមត្ថកិច្ច
ប៉ូលិសឲ្យដឹងថា ម៉ូតូដែលក្រុមចោរវាយប្លន់យកទៅនោះម៉ាកហុងដា
សេ១២៥ ពណ៌ខ្មៅស៊េរី២០០៧ ពាក់ស្លាកលេខកំពង់ចាម 1E-3506 ជាកម្មសិទ្ធិរបស់ជនរងគ្រោះឈ្មោះ ឃុត សុខ ភេទប្រុស អាយុ៣៤ឆ្នាំមុខរបររត់ម៉ូតូឌុប រស់នៅផ្ទះជួលភូមិសាមគ្គី សង្កាត់-ខណ្ឌឫស្សីកែវ។
ជនរងគ្រោះឲ្យដឹងថា មុនពេលកើតហេតុខ្លួនត្រឡប់ពីស៊ីផឹកនៅហាងរស្មីសោភាជាមួយមិត្តភក្ដិ២-៣
នាក់ទៀត
ពេលឈប់ផឹកក៏ជិះម៉ូតូមកម្ដុំកន្លែងកើតហេតុក្នុងគោលបំណងទៅផ្ញើគេ
នៅម្ដុំនោះ ព្រោះផ្ទះជួលហួសម៉ោងអត់ឲ្យចូលម៉ូតូទេ។
ប្រភព
បន្តថា ខណៈមកដល់ចំណុចកើតហេតុ
ស្រាប់តែមានចោរមួយក្រុមមានបក្ខពួក៣នាក់ជិះម៉ូតូវីវ៉ាមួយគ្រឿង
តាមពីក្រោយហើយមកស្ទាក់ខាងមុខព្រួតគ្នាវាយមកលើខ្លួនជាច្រើនដៃ
ដោយខ្លះចាប់ច្របាច់.ក
ខ្លះវាយចំៗផ្ទៃមុខឡើងហើមមុខ និងរបួសពេញខ្លួន។
ក្រោយពីខ្លួនដួលហើយ
ពួកវាក៏ឡើងជិះម៉ូតូគេចខ្លួនបាត់អស់ទៅក្រោយមកទើបខ្លួនដើរមក
ដាក់ពាក្យបណ្ដឹងនៅប៉ុស្ដិ៍ទួលសង្កែព្រោះកន្លែងចោរវាយប្លន់នោះនៅ
មិនឆ្ងាយពីប៉ុស្ដិ៍ប៉ូលិសទួលសង្កែប៉ុន្មានទេ៕
Categories:
ព័តមានជាតិ