អាមេរិក
និងកូរ៉េខាងជើងបានប្រកាសគម្រោងធ្វើសមយុទ្ធយោធារួមគ្នា
ទ្រង់ទ្រាយធំប្រចាំឆ្នាំនៅថ្ងៃនេះ
ស្របពេលដែលភាពតានតឹងក្នុងឧបទ្វីបកំពុងកើនឡើងក្រោយកូរ៉េខាងជើង
ធ្វើតេស្តនុយក្លេអ៊ែរលើកទី ៣។
សមយុទ្ធអាកាស លើដី និងក្នុងទឹកដែលមានឈ្មោះថា កូនឥន្ទ្រីយ៍នេះ
នឹងធ្វើចាប់ពីថ្ងៃទី ១ មីនា ដល់ ៣០ មេសា។ ដោយឡែក
ចាប់ពីថ្ងៃទី ១១-២១
មីនាយោធាអាមេរិកនឹងសាកល្បងសមយុទ្ធដោយប្រព័ន្ធកុំព្យូទ័រដែល
មានឈ្មោះថា ”ដំណោះស្រាយគោល” ឬ Key Resolve។
ជារឿយៗ ទីក្រុងព្យុងយ៉ាងតែងហៅការធ្វើសមយុទ្ធរួមគ្នារវាងអាមេរិក និងកូរ៉េខាងត្បូងថា ជាការហាត់សមដើម្បីឈ្លានពាន។
ផ្ទុយ
នឹងការលើកឡើងរបស់កូរ៉េខាងជើង រដ្ឋាភិបាលក្រុងវ៉ាស៊ីនតោន
និងសេអ៊ូលថា
សកម្មភាពនេះគឺធ្វើឡើងដើម្បីពង្រឹងសមត្ថភាពការពារអធិបតេយ្យភាព
សុទ្ធសាធ។
សមយុទ្ធកូនឥន្ទ្រីយ៍នឹង
មានការចូលរួមពីយោធាអាមេរិក ១ ម៉ឺននាក់
និងយោធាកូរ៉េខាងជើងយ៉ាងច្រើនសម្បើម។ ដោយឡែក
សមយុទ្ធដំណោះស្រាយគោលមានយោធាអាមេរិកចូលរួម ៣៥០០ នាក់
និងយោធាកូរ៉េខាងត្បូង ១ ម៉ឺននាក់៕
Categories:
ព័តមានអន្តរជាតិ