ភ្នំពេញ ៖
តួលេខគ្រោះថ្នាក់ចរាចរថ្ងៃទី១៧ ខែកុម្ភៈ ឆ្នាំ២០១៣ បានឲ្យដឹងថា
បានសម្លាប់មនុស្ស៤នាក់និងបណ្ដាលឲ្យរងរបួសធ្ងន់ស្រាលចំនួន៨២១នាក់ នៅទូទាំងប្រទេសកម្ពុជា។
នាយកដ្ឋានសណ្ឋាប់ធ្នាប់
នៃអគ្គស្នងការដ្ឋាននគរបាលជាតិបានឲ្យដឹងថា នៅថ្ងៃទី១៧ ខែកុម្ភៈ
ឆ្នាំ២០១៣ មានគ្រោះថ្នាក់ចរាចរណ៍ទូទាំងប្រទេស៧លើក ( យប់៤លើក
) បណ្តាលឲ្យមនុស្សស្លាប់៤នាក់ ( ប្រុស ) របួសធ្ងន់៧នាក់ (
ស្រី២នាក់ ) និងរបួសស្រាល១៤នាក់ ( ស្រី៨នាក់ ) ។
ក្នុងគ្រោះថ្នាក់ចរាចរទាំង៧លើក
បានបង្កឲ្យខូចខាតយានយន្តសរុប១៤គ្រឿង ក្នុងនោះម៉ូតូ ៨គ្រឿង
និងរថយន្តធុនតូច៦គ្រឿង ។ ប្រភពខាងលើឲ្យដឹងបន្តទៀតថាមូលហេតុ
ដែលបណ្តាលឲ្យមានគ្រោះថ្នាក់ គឺបណ្តាលមកពីបើកបរល្មើសល្បឿនមាន
២លើកមិនគោរពសិទ្ធអាទិភាព១លើក ប្រជែងគ្រោះថ្នាក់២លើក ស្រវឹង១លើក
សណ្ដោងរថយន្តដាច់ខ្សែក្រឡាប់១លើក
ក្នុងនោះគ្រោះថ្នាក់ជិះម៉ូតូមិនពាក់មួកសុវត្ថិភាព៣នាក់ (
យប់៣នាក់ )។
ចំពោះរថយន្តដែលទទួលរងការផាកពិន័យនៅអង្គភាព នៅថ្ងៃទី១៧ ខែកុម្ភៈ
ឆ្នាំ២០១៣នេះ មានចំនួន១២១គ្រឿង គឺរថយន្តទេសចរណ៍២គ្រឿង
រថយន្តដឹកអ្នកដំណើរធុនតូច៤០គ្រឿង
រថយន្តដឹកអ្នកដំណើរធុនធំ១៨គ្រឿង និងរថយន្តដឹកទំនិញធុនធំ៦១គ្រឿង
។
រថយន្តទាំងអស់ខាងលើបានបង់ប្រាក់ពិន័យរួចរាល់
នៅអធិការដ្ឋាននគរបាល ស្រុក/ខណ្ឌ ២គ្រឿង
នៅស្នងការដ្ឋាននគរបាលរាជធានី/ខេត្ត ៦២គ្រឿង
និងនៅនាយកដ្ឋានសណ្តាប់ធ្នាប់៥៧គ្រឿង ៕
