វ៉ាន វីវ៉ា និង ភេឌី ម៉ឺនសុភា នឹងធ្វើឲ្យផ្អើលថ្ងៃបើកឆាកនៃកម្មវិធីប្រដាល់អន្តរជាតិរបស់ស្ថានីយទូរទស្សន៍ ស៊ីធីអិនប្រចាំខេត្តសៀមរាប(ក្បែរសារមន្ទីរជាតិ) ថ្ងៃទី ២០ មីនា នេះ តាមការអះអាងរបស់ អ្នករៀបចំកម្មវិធី។
នេះគឺជាងការអះអាងរបស់លោក ម៉ា សេរី ប្រធានផ្នែកព័ត៌មានកីឡានៃស្ថានីយទូរទស្សន៍ ស៊ីធីអិន ព្រោះថាកន្លងមក លោកតែងតែយកកីឡាករល្អៗមកវ៉ៃតទល់នឹងកីឡាករខ្មែរ។
នេះគឺជាងការអះអាងរបស់លោក ម៉ា សេរី ប្រធានផ្នែកព័ត៌មានកីឡានៃស្ថានីយទូរទស្សន៍ ស៊ីធីអិន ព្រោះថាកន្លងមក លោកតែងតែយកកីឡាករល្អៗមកវ៉ៃតទល់នឹងកីឡាករខ្មែរ។
ទន្ទឹមគ្នានឹងសកម្មភាពនេះ លោក Paddy Carson ទីប្រឹក្សាកីឡាប្រដាល់នៅខេត្តសៀមរាបប្រចាំស្ថានីយទូរទស្សន៍ខាងលើបានប្រាប់ថា លោកបន្តជួយដល់កីឡាប្រដាល់ និង ធ្វើឲ្យកាន់តែល្អ។ ខណៈនោះ លោក Ralph Beale ដែលជាអ្នកចាប់គូអន្តរជាតិនិយាយថា លោក រីករាយនឹងធ្វើការមួយ ស៊ីធីអិន ហើយកន្លងមកលោកធ្លាប់នាំកីឡាករល្អៗមកវាយដូចជាក្នុងកម្មវិធីកំពូលជើងឯកអាស៊ានជាដើម។ លោកជឿជាក់ថា នឹងមានការគាំទ្រកាន់តែច្រើនឡើងនៅសៀមរាប។
ដោយឡែក លោក អៀង គឺមស្រេង នាយករងស្ថានីយទូរទស្សន៍ស៊ីធីអិន បានឲ្យដឹងដែរថា ស្ថានីយនៅតែបន្តជំរុញឲ្យវិស័យនេះកាន់តែប្រសើរឡើងដើម្បីចូលរួមអភិវឌ្ឍន៍វិស័យកីឡាប្រដាល់នៅកម្ពុជា។
រីឯឯកឧត្ដម តែម ម៉ឺន ប្រធានសហព័ន្ធកីឡាប្រដាល់កម្ពុជាបានថ្លែងបន្ទាប់ថា នេះជាការរួមចំណែកជាមួយរាជរដ្ឋាភិបាលដើម្បីអភិវឌ្ឍវិស័យកីឡាប្រដាល់ ហើយនេះជាមុខមាត់នៃទឹកដីខេត្តសៀមរាប ជាពិសេស ធ្វើឲ្យភ្ញៀវបរទេសស្គាល់។ មួយវិញទៀត នេះជាការបង្កើនសមត្ថភាពដល់កីឡាករឲ្យមានបច្ចេកទេសខ្ពស់ ហើយ សហព័ន្ធកីឡាប្រដាល់ ក៏បានរួមចំណែកជួយផ្នែកបច្ចេកទេសដល់ការប្រកួតនេះដែរ។
ដោយឡែក លោក ម៉ា សេរី បន្តថា ការរៀបចំនេះជាការផ្សព្វផ្សាយឲ្យភ្ញៀវទេសចរអន្តរជាតិដែលមកលេងនៅខេត្តសៀមរាបបានស្គាល់ក្បាច់គុនបុរាណខ្មែរកាន់តែច្បាស់។ លោកបន្ថែមថា កៅអីដែលប្រិយមិត្តអាចអង្គុយទស្សនាបានគឺប្រមាណ ៧០០។ ការប្រកួតនៅថ្ងៃស្អែកនេះ គឺអត់មានលក់សំបុត្រទេ ប៉ុន្តែលោកបានបោះសំបុត្រអញ្ជើញ ៧០០ នាក់ឲ្យមកទស្សនាដោយសេរី (Free) ក្នុងថ្ងៃបើកឆាក។ មានន័យថា [អ្នកអត់សំបុត្រអញ្ជើញអត់បាន]ចូលទស្សនាទេ។
លោកគូបញ្ជាក់ទៀតថា បច្ចុប្បន្ននេះ ស៊ីធីអិន គឺ រៀបចំតម្រូវឲ្យភ្ញៀវទេសចរសិន ពោល លក់សំបុត្រមួយតម្លៃ១៥ ដុល្លារអាមេរិក។
ទោះជាយ៉ាងលោកមិនបោះបង់អ្នកគាំទ្រខ្មែរនោះទេ។ នាពេលឆាប់ៗ ខាងមុខនេះ ស៊ីធីអិន ក៏មានការរៀបចំសម្រាប់អ្នកគាំទ្រកីឡាប្រដាល់ខ្មែរ នៅពេលដែល គេគិតថាតម្លៃសំបុត្រខាងលើថ្លៃពេកនោះ។
កម្មវិធីប្រកួត ថ្ងៃបើកសង្វៀនថ្មីខាងលើ ស៊ីធីអិន នឹងផ្សាយផ្ទាល់ចាប់ពីម៉ោង ៥ ល្ងាចតទៅ។ ប៉ុន្តែ ចាប់ពីថ្ងៃពុធសប្ដាហ៍ ក្រោយទៅ គឺ ផ្សាយផ្ទាល់ចាប់ពីម៉ោង ៤រសៀលវិញ។
ប្រដាល់មិត្តភាពអន្តរជាតិ ស៊ីធីអិន សៀមរាប ថ្ងៃទី ២០ មីនា
| |||
| ១ | តូច ទូ | Vs | សេក ណារ៉ាក់ |
| មជ្ឈមណ្ឌលកីឡា ខ.ភ.ម | ទម្ងន់៦៥ គ.ក |
សឹករងខេត្តសៀមរាប
| |
| ២ | ទី ពន្លែត | Vs | ហ៊ុល ដារ៉ា |
សឹករងខេត្តសៀមរាប
| ទម្ងន់៥៧ គ.ក |
សាលវ័ន្ដកីឡា
| |
៣
| ពេជ្រ សម្បត្តិ | Vs | ពៅ សក្ដិសិដ្ឋ |
ក្រសួងការពារជាតិ
| ទម្ងន់៧១ គ.ក |
ក្រសួងមហាផ្ទៃ
| |
៤
| វ៉ន សាវី | Vs | Bidaut Direck |
ឃ្លាំងមឿងកីឡាខេត្ដពោធិសាត់
| ទម្ងន់៦៥ គ.ក |
តាព្រហ្មមានជ័យបង្ក្រាបគ្រឿងញៀន
| |
៥
| ភេឌី ម៉ឺនសុភា | Vs | I Gor Pedote Cabrita |
យុវជនអង្គរ
| ទម្ងន់៦៩ គ.ក |
មកពីប្រេស៊ីល
| |
៦
|
Vs
|
Eddi Vendeta
| |
ព្រះខ័នរាជ
|
ទម្ងន់៧៥ គ.ក
|
កូឡុំប៊ី
| |
លោក ម៉ា សេរី ក្នុង សន្និសីទកាសែត
មើល វ៉ាន វីវ៉ាសម្លឹង គូប្រកួត
ពីឆ្វេង លោក តាំង ណាំស្រ៊ុន ,លោក Ralph Beale, លោក Paddy Carson, ឯ.ឧ តែម ម៉ឺន និង លោក អៀង គឹមស្រេង
Categories:
សិល្បះនិងកំសាន្ត,
សុខភាព និង កីឡា